रसुवा– भुकम्पपछि विस्थापित भई रसुवाका विभिन्न स्थानमा बसिरहेका हाकुका विस्थापितहरू दशैँ मनाउन गाउँ फर्किएका छन्। सुख्खा पहिरो झरी २९ महिनाअघिदेखि विस्थापित भएका उनीहरु दशैँ मनाउन भने आफ्नै गाउँ फर्किएका हुन्।
सदरमुकाम धुन्चेमा बसिरहेका ६० भन्दा बढी घर–परिवार गाउँ पुगेका छन्। विस्थापितहरु खेतीपाती लगाउन र चाडपर्व मनाउन गाउँ जाने गरेका छन्।
अनुदान सम्झौता नभएका कारण हाकुबासीले घर बनाउन सकेका छैनन्। दुई वर्षदेखि निरन्तर दशैँ मान्न तथा कहिलेकाहीँ गाउँ जाँदा बस्नका लागि अस्थायी टहरा बनाएको उनीहरुले बताएका छन्।
कम्पपछि हाकुबासी एकै ठाउँमा बस्न सकेका छैनन् । वर्षमा एक पटक मात्र आफन्तसँग भेट हुने आशामा गाउँ जाने गरेको हाकुकी मेन्दो तामाङले बताइन्।
भुकम्पले भत्किएका घरहरु बनाएकाहरु गाउँ फर्किएको हाकुकी याङ्जेन तामाङले बताइन्। उनले भनिन्, ‘गाउँमा घर बनाएका पीडित गाउँ फर्किएको भए पनि गाउँमा घर नबनाएकाहरु भने सदरमुकाममा नै दशैँ मान्ने योजनामा छन्।’
हाकुबासी केही हाकुमा नै बसिरहेका छन् भने तीन सयभन्दा बढी परिवार धुन्चे, कालिकास्थान, बोगटीटार, खाल्टे, नौबिसे लगायत क्षेत्रमा बसिरहेका छन्। सरकारले बनाएको सामूहिक आवास तथा निजी जग्गा भाडामा लिएर बसिरहेका उनीहरु गाउँ फर्कनका लागि पहल नहुँदा समस्या परेको बताउँछन्।
सदरमुकाम धुन्चेमा बसिरहेका ८७ घरधुरीमध्ये २५ भन्दा बढी घरधुरी भने गत वर्ष नै गाउँ फर्किसकेका छन्।
भुकम्पपछि गाउँमा अस्थायी रुपमा बसिरहेका पीडित १० महिना गाउँ बस्दैनन्। गाउँमा जाने मन भए पनि उचित व्यवस्थापन नगपरदिँदा समस्या भएको हाकुकी पासाङबुटी तामाङले बताइन्। उनले भनिन्, ‘गाउँ फर्कनका लागि सरकारले सुरक्षित भएको प्रमाणित गरेर, अनुदान सम्झौता गर्नुपर्यो। हाकुको वडा न २ देखि ९ सम्म अनुदान सम्झौता समेत भएको छैन। ती वडाका भूकम्प प्रभावितको जग्गा स्वयम्भू घ्याङ गुठीको नाममा छ।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
