काठमाडाैं- विश्वकै प्रदूषित सहरकाे सूचीमा काठमाडाैं पुन: पहिलाे स्थानमा उक्लिएकाे छ। वर्ल्ड एयर क्वालिटी रिपोर्टमा काठमाडाैं पहिलाे स्थानमा रहेकाे देखिएकाे हाे।
पछिल्लो समय सार्वजनिक भएको प्रतिवेदनमा भारतकाे राजधानी दिल्ली दाेस्राे स्थानमा रहेकाे छ। यस्तै, बंगलादेशकाे राजधानी ढाका र भियतनामकाे हाेनाई क्रमश: तेस्राे र चाैथाे स्थानमा रहेकाे छ। यसअगाडि चीनकाे शेनयाङ, बंगलादेशकाे ढाका र भारतकाे काेलकाता क्रमश: दाेस्राे, तेस्राे र चाैथाे स्थानमा थिए।
यस्तै, म्यानमारकाे रंगुन पाँचाै स्थानमा यथावत् रहेकाे छ। भारतकाे काेलकत्ता छैठाैं र थाइल्याण्डकाे चियांगमाई साताैं स्थानमा रहेकाे छ। यसअगाडि चियांगमाई छैठाैं स्थानमा थियाे। यता कम्बाेडियाकाे नोम पेन, भारतकाे मुम्बई, चिलीकाे सान्टियागाे क्रमश: आठाैं, नवाैं र दशाैं स्थानमा छ।
शहरी क्षेत्रमा सवारीसाधन, धेरै इन्धन खपत गर्ने पावर प्लान्ट र ठूला उद्योग प्रदूषणका प्रमुख कारण मानिन्छ। यसका साथै अन्नबाली भित्र्याएपछि खेतका ठूटा र खोस्टामा आगो लगाउने र बनमा डढेलाे लगाउने गर्दा पनि प्रदूषण बढ्ने गरेकाे छ।
नेपालमा पनि केही दिनयता डढेलाेकाे प्रकाेप बढेकाे छ। वन तथा भू–संरक्षण विभागका अनुसार अहिले देशभर ५९ जिल्लाका ५३० ठाउँमा डढेलाे लागेको छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।