तीन दलको गठबन्धन बनाउन पौडेलको महन्थसँग आग्रह

राजनीति

नेपाल लाइभ आइतबार, चैत २२, २०७७ १४:५६

काठमाडाैं- नेपाली कांग्रेसका वरिष्ठ नेता रामचन्द्र पौडेलले जनता समाजवादीका अध्यक्ष महन्थ ठाकुरलाई सरकार विस्थापनको पक्षमा एक हुन आग्रह गरेका छन्।

हात्तिवनमा महन्थलाई भेट्न पौडेल आइतबार विहान पुगेका थिए। दुई नेताबीच करिब आधा घन्टा वार्ता भएको थियो। पौडेलले तीन दलका नेतृत्व बसेर सहमतिको खाका बनाउन आग्रह गरेका थिए।

‘तपाईं, हाम्रो पार्टी सभापति शेरबहादुर देउवा र प्रचण्ड बसेर सहमति बनाउनोस्,’ पौडेलले महन्थलाई सल्लाह दिए। मोटामोटी खाका बनाएर नयाँ सरकारका निर्माण गर्न पौडेलले आग्रह गरेका थिए। प्रत्युत्तरमा महन्थले पार्टीमा छलफलकै क्रममा रहेको प्रतिक्रिया दिएको पौडेलको सचिवालयले जानकारी दिएको छ।

प्रधानमन्त्री केपी शर्मा ओलीको राजीनामा माग्‍ने पार्टीले निर्णय गरेपछि पौडेलले नयाँ सरकारको पहल गर्ने क्रममा महन्थलाई भेटेका हुन्। शुक्रबार बसेको कांग्रेस केन्द्रीय कमिटीको बैठकले वैकल्पिक सरकार निर्माण गर्न पहल गर्ने निर्णय गरेको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

क्षेप्यास्त्र प्रहारको सन्देश बुझ्न अमेरिकालाई रूसको चेतावनी

बिआरआईमा अनुदान मात्र स्वीकार्यः नेता निधि

सडक फोहोर गरेको भन्दै एमालेलाई महानगरको १ लाख जरिवाना