इलाम- अनौठो रोगका कारण इलामको एकैघरका चार जना बिरामी परेका छन्। चिच्याउने, कराउने, उफ्रिने खालको अनौठो लक्षणसिहत फाकफोकथुम गाउँपालिका-१ ठिङगेपुरका चार दिदीबहिनी बिरामी परेका हुन्।
होमबहादुर निरौला र उमा निरौलाका ६ छोरीमध्ये जेठी कोपिला र कान्छी सुशीलाबाहेक सबै अनौठो बिमारी परेका हुन्। माइली डिल्लीमाया निरौला (बोहोरा), साइली चन्द्रकला निरौला (खडका), काइली नैनकला निरौला र अन्तरी जेनिसा निरौला बिरामी परेका हुन्।
नैनकला गत पुसदेखि नै यस्तो खालको समस्याबाट पीडित छन्। 'उपचारका लागि इलाम अस्पताल, झापा हुँदै काठमाडौंसम्म लगियो बिराम केही पत्ता लागेन', आमा उमाले भनिन्, 'बुढेसकालका साहारा छोरी नै यसरी बिरामी भएपछि कसरी बाँचू।'
उनका अनुसार घरमा रोगले छोरीलाई चापेपछि बुबा होमबहादुरले दुई जनालाई उपचारमा लगे। उपचार गराउँदासमेत रोग पत्ता नलागेपछि घर नै लिएर आउँदै छन्। यथार्थमा के हो भन्ने कुरा पत्ता नलाग्दा समस्या जटिल बनेको वडाध्यक्ष टेकवीर नेम्वाङ बताउँछन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1773897272.png)
-1764146706.png)
-1773837959.png)
