ब्रिटिश एयरवेजले मुख्यालय भवन बेच्दै

विश्व

नेपाल लाइभ शुक्रबार, चैत ६, २०७७ १९:३१

काठमाडाैं- ब्रिटिश एयरवेजले मुख्यालय भवन बेच्ने भएको छ। कोरोना महामारीको बेला घरैबाट काम भएकोले कार्यलय बेच्न लागिएको हो।

भवन ब्रिकीबाट एयरवेजले कोरोना महामारीको क्रममा व्यहोरेको घाटा परिपूर्ति गर्ने जनाइएको छ। सन् १९९८ मा २०० मिलियन पाउन्ड लागतमा याे भवन निर्माण गरिएको थियो।

‘धेरैले घरबाट काम गर्न मन पराउँछन् र भविष्यमा घरबाटै पनि काम गर्न लगाउनेबारे सोच्न सकिन्छ। यसका साथै हामीले व्यवसायलाई संकटबाट बाहिर ल्याउन पनि खोजिरहेका छौं,’ एयरवेजले एक विज्ञप्तिमा भनेको छ।

महामारीको बेला एयरवेजले गत वर्ष १० हजारभन्दा बढी कर्मचारी निकालेको थियो। बाँकी रहेका कर्मचारीमध्ये धेरै जसो घरैबाट काम गरेका थिए। पाइलट, केबिन चालक दल, इञ्जिनियर र एयरपोर्टका कर्मचारीहरू भने कार्यलयमै उपस्थित भएका थिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

दुधौली नगरपालिकाका मेयर अधिकारीविरुद्ध बलात्कारको जाहेरी दर्ता

अमेरिकासँग आणविक वार्ताका लागि इरानी विदेशमन्त्री अराघची ओमान प्रस्थान गर्दै

टिपरको ठक्करले मृत्यु भएपछि मोरङको सुन्दरहरैँचा तनावग्रस्त, डीएसपी घाइते