पाकिस्तानका प्रधानमन्त्री खानले लगाए चिनियाँ खाेप सिनाेभ्याक्स

विश्व

नेपाल लाइभ बिहीबार, चैत ५, २०७७ २२:५९

काठमाडाैं- पाकिस्तानका प्रधानमन्त्री इमरान खानले कोरोना भाइरसविरूद्धको खोपको पहिलो डाेज लिएका छन्। बिहीबार उनले चीनद्वारा सहयोग गरिएको सिनोभ्याक खाेप लगाएका हुन्।

चीन सरकारले पाकिस्तानलाई कोरोनाविरुद्धकाे खोपको पाँच लाख डाेज सहयाेग दिएकाे छ। बिहीबार पाकिस्तानी प्रधानमन्त्रीसहित उच्च पदस्थ अधिकारीले खोप लगाएका थिए।

चीनको खोप सुरक्षित रहेको प्रधानमन्त्री खानले बताएका छन्। उनले सब नागरिकलाई लगाउन पनि सुझाव दिएका छन्।

पाकिस्तानमा सिनोफर्मद्वारा विकास गरिएको उक्त खोप मात्र उपलब्ध छ। यसअघि चीनले फेब्रुअरी १ मा पाकिस्तानलाई सिनोफर्मका पाँच लाख खाेप सहयाेग गरेकाे थियाे।

उक्त खोपलाई पहिलो चरणमा अग्रपङ्तीमा कामगर्ने कर्मचारीलगायत जोखिम देखिएका अन्य नागरिकहरूलाई पहिलो मात्रा दिइएको छ। याे दाेस्राे पटक पठाइएकाे खाेप हाे। पाकिस्तानी स्वास्थ्य अधिकारीहरूले रावलपिंडीको नूर खान एयरबेसमा यषाे खाेप बुझेका थिए।

पाकिस्तानमा बिहीबारसम्म ६१ लाख पाच हजार ८१० मा काेराेना संक्रमण पुष्टि भएकाे छ। यस्तै १३ हजार ७१७ संक्रमितकाे मृत्यु भएकाे छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

दुधौली नगरपालिकाका मेयर अधिकारीविरुद्ध बलात्कारको जाहेरी दर्ता

अमेरिकासँग आणविक वार्ताका लागि इरानी विदेशमन्त्री अराघची ओमान प्रस्थान गर्दै

टिपरको ठक्करले मृत्यु भएपछि मोरङको सुन्दरहरैँचा तनावग्रस्त, डीएसपी घाइते