काठमाडाैं- ताइवानले साेमबारदेखि काेराेना भाइरसविरुद्धकाे खाेप अभियान सञ्चालन गर्ने भएकाे छ। पहिलो चरणमा बेलायतको अक्सफोर्ड विश्वविद्यालय र एस्ट्राजेनेकाले विकास गरेकाे काेराेनाविरुद्धको १ लाख ७० हजार डाेज खाेप खरिद गरेसँगै अभियान सञ्चालन गर्न लागिएकाे हाे।
खाेप याे महिनाको सुरूमै आइपुगेकाे स्वास्थ्य मन्त्री चेन शिह चुङ्गले जानकारी दिएका छन्। उनका अनुसार सोमबारदेखि पहिलाे डाेजकाे खोप दिन थालिने छ। बुधवार एक भिडियो वक्तव्यमा चेनले भने,'दक्षिण कोरियाली फ्याक्ट्रीबाट आएको डोज ताइवानको खाद्य र औषधि प्रशासनले अन्तिम पटक निरिक्षण गरिसकेकाे छ।'
ताइवानले प्राथमिकता स्वास्थ्यकर्मीलाई राखेकाे छ। करिब ६० हजार मानिस पहिलो खोप लिन इच्छुक रहेकाे मन्त्री चेनले जानकारी दिएका छन्।
ताइवानले महामारीलाई नियन्त्रण गर्न प्रभावकारी कदम चालेकाे थियाे जसका कारण एक हजारभन्दा कम संक्रमित फेला परेकाे छ। २४ काेराेना संक्रमित अस्पताल भर्ना भएका थिए भने १० जनाकाे मृत्यु भएकाे छ। डिसेम्बरमा ताइवानले एस्ट्राजेनेकासँग १० करोडसहित लगभग २० करोड डाेज खोप खरिद गर्न सहमति गरेकाे छ।
काेराेना संकट निम्त्याइरहेको युरोपेली क्षेत्रका कतिपय मुलुकले एस्ट्राजेनेकाका खोप लगाउन रोकेका छन्। पछिल्लोपटक युरोपका सबैभन्दा ठूला देशहरु जर्मनी, इटाली र फ्रान्सले पनि एस्ट्राजेनेकाका खोप लगाउन तत्काललाई रोक लगाएका छन्। युरोपकै अन्य कतिपय मुलुकले पनि एस्ट्राजेनेकाका खोप लगाउन बन्द गरिसकेका छन्।
विश्व स्वास्थ्य संगठन, एस्ट्राजेनेकाका कम्पनी र युरोपेली औषधि नियामक निकाय (इएमए)ले खोप सुरक्षित रहेको बताएका छन्। उनीहरुको भनाइमा खोप लगाएका व्यक्तिमा रगत जमेको भन्ने विवरणमा पूर्ण सत्यता छैन।
विश्व स्वास्थ्य संगठनकी प्रमुख वैज्ञानिक सौम्या स्वामिनाथनले आमजनतालाई नआत्तिन र खोप लगाउने कार्यलाई निरन्तरता दिन आग्रह गरेकी छन्।
एस्ट्राजेनेकाको खोप अहिले विश्वबजारमा सबैभन्दा सस्तो छ। कमजोर आर्थिक स्थिति भएका मुलुकका लागि सहज भएकाले पनि यो खोपको माग बढ्दो छ। युरोपबाहेकका अन्य मुलुकहरुले यो खोप बढी प्रयोग गर्ने सम्भावना छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1770562345.jpg)
