कैलाली -महेन्द्रनगरबाट धनगढी आउँदै गरेको हायस गाडी दुर्घटना हुँदा १ जनाको मृत्यु भएको छ भने ६ जना घाइते भएका छन्।
पूर्वपश्चिम राजमार्ग अन्तर्गत कञ्चनपुरकाे कृष्णपुर नगरपालिका–५ गुलरियामा म १ ज २४३ नम्बरको हायसको टायर पडकिएर दुर्घटना भएकाे हाे।
दुर्घटनामा परी डडेल्धुराको अमरगढी नगरपालिका–५ बस्ने ७७ वर्षीया मन्दिरा देवी पन्तको मृत्यु भएको प्रहरीले जानकारी दिएकाे छ।
दुर्घटनामा परी गम्भीर घाइते भएकी पन्तको उपचारका क्रममा धनगढीस्थित माया मेट्रो अस्पतालमा मृत्यु भएको सुदूरपश्चिम प्रदेश ट्राफिक प्रहरी कार्यालय अत्तरियाकाले जनाएको छ।
घाइते ६ जनाको अत्तरियास्थित पदमा अस्पतालमा उपचार भइरहेको प्रहरीले जानकारी दिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
