काठमाडौं- सिरहा सदरमुकाम लहान नगरपालिका-८ दुई नम्बर रोडस्थित मालपोत कार्यालयका कर्मचारी बस्ने कोठा नजिकै कुकर बम विस्फोट हुँदा गम्भीर घाइते भएका एक जनालाई काठमाडौं ल्याइएको छ। घटनामा गम्भीर घाइते भएका सिरहा धनगढीमाइ नगरपालिका–४ का ३० वर्षीय दिनेशकुमार भण्डारीलाई थप उपचारका लागि हेलिकोप्टरबाट काठमाडौं ल्याइएको हो।
घटनामा घाइते भएका अर्का एक जनालाई विराटनगरस्थित नोबेल अस्पतालमा रिफर गरिएको छ। विष्णुपुर गाउँपालिका–३ का मालपोत कार्यालयका नायव सुब्बा ३८ वर्षीय शिव कुमार यादवलाई नोबेलमा रिफर गरिएको हो। अन्य ६ जनाको स्थानीय अस्पतालमा उपचार भइरहेको प्रहरीले जनाएको छ।
स्थानीय अस्पतालमा उपचार हुनेहरूमा गोलबजार नगरपालिका–६ बस्ने ३५ वर्षीया लक्ष्मी राणा, सोही ठाउँ बस्ने ३५ वर्षीया बेचनी मगर, लहान नगरपालिका–१६ बस्ने ५२ वर्षीय लाल बहादुर विक, गलबजार नगरपालिका–४ बस्ने ३८ वर्षीया फुल कुमारी ठाकुर, भगवानपुर गाउँपालिका–३ बस्ने ५४ वर्षीय बद्री नारायण यादव र धनगढीमाई नगरपालिका–१३ बस्ने ८२ वर्षीय भोला बहादुर पाँचेमगर छन्।
घाइतेहरुमध्ये भोला बहादुर पाचेमगरको सप्तऋषि अस्पताल लहानमा तथा लक्ष्मी राणा, बेचनी मगर, लाल बहादुर विक, फुल कुमारी ठाकुर र बद्री नारायण यादवको राउ स्मारक अस्पताल लहानमा उपचार भइरहेको छ।
लालबहादुर विक, फुल कुमारी ठाकुर र बद्री नारायण यादवको अवस्थामा मध्यम छ।
जिल्ला प्रहरी कार्यालय सिरहाबाट प्रहरी उपरीक्षक समेत र इलाका प्रहरी कार्यालय लहानबाट खटिएको प्रहरीले घाइतेहरुलाई तत्काल उद्धार गरी उपचारका लागि अस्पताल लैजानुको साथै घटना सम्बन्धमा थप अनुसन्धान गरिरहेको छ। विस्फोट भएको ठाउँमा सशस्त्र भूमिगत समूह गोइतको पर्चा भेटिएको प्रदेश २ का डिआइजी धीरजप्रताप सिंहले बताएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
