काठमाडाै–राउटे अगुवाले कर्णाली प्रदेश सरकारका मुख्यमन्त्री महेन्द्रबहादुर शाहीसँग खानाको माग गरेका छन्। राउटे अगुवा दिलबहादुर शाहीले मंगलबार मुख्यमन्त्रीलाई भेटी आफ्ना जनताका लागि खानाको समस्या भएको बताएका हुन्। भेटमा उनले आफूहरुलाई गाउँपालिकाले चार महिनासम्म भत्ता नदिएको बताए।
गाउँपालिकाले दिने प्रतिव्यक्ति मासिक रु तीन हजार नपाउँदा खानलाई चामल किन्न नसकेकाले भोको पेटमा सरकारसमक्ष बिन्ती बिसाउन आएको उनको भनाइ थियो। ‘मेरा जनता भोकले मर्न आँटे । म पनि भोकै यहाँ आएको छु,’ उनले भने, ‘पेटभन्दा ठूलो केही छैन । सरकारले भत्ता र रासनपानी दिएर पठाउनु पर्यो ।’
राउटे समुदायका ४६ घर परिवारका सबैलाई भोकले ठूलो समस्यामा पारेको बनाएको उनले जतिसक्दो छिटो सम्बोधन गरिदिन मुख्यमन्त्रीलाई आग्रह गरे। भेटमा मुख्यमन्त्री शाहीले राउटेका ४६ घर परिवारलाई सरकारले खानासहित ओतका लागि पाल उपलब्ध गराउने वचन दिए।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।