डब्लिन- टेस्ट मान्यता पाएपछिको पहिलो टेस्ट खेलमा आयरल्यान्डले हार ब्यहोरेको छ। पहिलो टेस्टका लागि पाकिस्तानलाई निम्ता दिएको आयरल्यान्डले ५ विकेटको हार ब्याहोर्दै आफ्नो टेस्ट इतिहास सुरु गरेको हो।
पाँचौ दिन आयरल्यान्डले दिएको १ सय ६० रनको लक्ष्य पाकिस्तानले ५ विकेटको क्षतिमा पार गरेको थियो। पाकिस्तानलाई लागि इमाम उलहकले नटआउट ७४ रन र बाबर अजामले ५९ रन जोडे। अन्य पाँच ब्याट्सम्यान भने दोहोरो अंकमा रन जोड्न नपाइ आउट भएका थिए।
त्यसअघि पहिलो इनिङमा फलोअनमा परेको आयरल्यान्ड १ सय ३० रनमा अलआउट भएको थियो। पहिलो इनिङमा आयरल्यान्डको इनिङ ध्वस्त पार्न पाकिस्तानका मोमहद अब्बासले ४ र सादब खानले ३ विकेट लिएका थिए। दोस्रो इनिङमा भने केभिन ओब्रायनले शतक प्रहार गरेपछि आयरल्यान्डले ३ सय ३९ रन जोड्यो। केभिनले १ सय १८ रन जोड्दै आयरल्यान्डका लागि पहिलो टेस्ट शतक प्रहार गर्ने इतिहास बनाए। उनी खेलको म्यान अफ दि म्याच समेत चुनिए।
यसअघि पाकिस्तानले पहिलो इनिङमा ९ विकेटको क्षतिमा ३ सय १० रन बनाएर इनिङ समाप्तीको घोषणा गरेको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1775575666.png)
