धनगढी- बैतडीकी भागरथी भट्टको बलात्कारपछि हत्या घटनाको अनुसन्धानमा खटिएका दुई प्रहरीको बढुवा भएको छ। प्रहरी प्रधान कार्यालयले भागरथी भट्टको बलात्कार तथा हत्या घटनाको अनुसन्धानमा संलग्न दुई कनिष्ठ प्रहरीलाई एक तह बढुवा गरेको छ।
सुदूरपश्चिम प्रदेश प्रहरी प्रमुख, डिआइजी उत्तमराज सुवेदीले बढुवा भएका दुवै जनालाई आज दर्ज्यानी चिन्ह प्रदान गरेका छन्। सुदूरपश्चिम प्रदेश प्रहरी कार्यालय, दिपायलका प्रहरी सहायक निरीक्षक (असई) पदमबहादुर थापा प्रहरी नायब निरीक्षक (सई) र इलाका प्रहरी कार्यालय, राजापुर बर्दिया दरबन्दी भएका प्रहरी जवान नरबहादुर थापा प्रहरी हवल्दार पदमा पदोन्नति भएका हुन्।
प्रहरी प्रधान कार्यालयले सोही घटनाको अनुसन्धानमा सक्रिय सहभागिता जनाई अपराधी पक्रन सफल भएको भन्दै डिआइजी सुवेदीसहित ५ जनालाई नगद पुरस्कारसहित सम्मान समेत गरेको छ।
डिआइजी सुवेदीसहित पुरस्कृत हुने अन्य प्रहरी अधिकारीहरूमा जिल्ला प्रहरी कार्यालय बैतडीका प्रमुख, डीएसपी नारायणप्रसाद अधिकारी, प्रहरी प्रधान कार्यालय केन्द्रीय अनुसन्धान ब्यूरोका डीएसपी पञ्चकुमार बाखु, महानगरीय प्रहरी कार्यालय रानीपोखरी परिचालन कक्षमा दरबन्दी भएका प्रहरी नायब निरीक्षक दुर्गाकुमार योञ्जन र प्रहरी चौकी हिकिला दार्चुला दरबन्दी भएका प्रहरी जवान अशोकबहादुर कुँवर रहेका छन्।
पुरस्कृत भएका डिआइजी सुवेदीले प्रहरीले कसैको दबाबमा नरही काम गर्ने वातावरण भएका जस्तोसुकै अपराधीलाई समेत कानुनको कठघरामा उभ्याउन सकिने बताए। उनले संगठनले कामको मूल्यांकन गरेर पुरस्कृत गरेको बताउँदै सम्मानले अझै प्रहरीको मनोबल उच्च हुनुका साथै संगठनप्रति निष्ठावान बनाउने बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789955860.webp)
-1789955351.webp)
-1786602170.png)
-1789631269.jpg)
