काठमाडौं–इन्स्टाग्राममा हलिउडकी चर्चित कलाकार जेनिफर जोहाना एनेस्टेनले शुक्रवार ‘स्टोरी’ अपडेट गरिन्। जहाँ जर्मन चान्सलर एन्जेला मर्केल, न्युजल्याण्डकी प्रधानमन्त्री ज्याकिन्डा आर्डेन र नेपालकी राष्ट्रपति विद्यादेवी भण्डारी थिइन्।
राष्ट्रपति भण्डारीको फोटोमा लेखेकी छन्, ‘विश्वमा परिवर्तन नचाहनेहरूले हल्ला गरिरहेका बेलामा पनि परिवर्तन सम्भव छ।’
उनको संकेत थियो, महिलाहरू अघि बढेको हेर्न नचाहनेका बीच पनि यी महिलाहरूले आफूलाई प्रमाणित गरेका छन्। देशको नेतृत्व गरिरहेका छन्।
को हुन् जेनिफर?
अभिनेत्री जेनिफर पनि हलिउडको अग्रपंतिमै छन्। धेरै पारिश्रमिक लिने अभिनेत्रीमा उनको नाम अगाडि आउँछ। धनी नायिकामा पर्ने उनले सौन्दर्यका लागि गरेको खर्बौं खर्चको पनि बेलावखत चर्चा हुन्छ। अभिनेत्रीका साथै प्रोडक्सन कम्पनीकै मालिक हुन्।
पापाराजीले पनि धेरै पछ्याउने अभिनेत्री हुन् उनी। पापाराजीबाट यति आजित भइसकिन् कि एक टेलिभिजन कार्यक्रममा उनले अर्कै व्यक्ति बन्न पाए नि हुन्थ्योसम्म भनेकी छन्।
जेनिफर सन् १९६९ मा क्यालिफोर्नियामा जन्मिएकी हुन् । उनका बाबु रकस्टार थिए भने आमा कलाकार । तर, सानै उमेरमा उनका बाबुआमाको सम्बन्ध बिच्छेद भएको थियो । आमाबाबुको सम्बन्ध बिच्छेद हुँदा जेनिफर ९ वर्षकी थिइन्। यो उमेरसम्म उनलाई घरमा टेलिभिजन हेर्न दिइएन। बाबुआमा छुट्टिएपछि उनी आमाको साथमा बस्न थालिन्।
कलाकारिता क्षेत्रमा आउनुभन्दा अघि उनि एक रेस्टुरेन्टमा वेटर्सको रुपमा काम गर्थिन्। पछि उनले टेलिमार्केटर र बाइक म्यासेन्जरका रुपमा पनि काम गरिन्।
२० वर्षसम्म उनलाई बोल्न समस्या थियो। जसलाई डिस्लेक्सिया भनिन्छ। यसले उनलाई कन्फिडेन्ट भएर अरुको अगाडि बोल्न गाह्रो हुन्थ्यो। उनले आफूलाई निकै परिवर्तन गरिन्। अहिले बोलीमा उनलाई कसैले जित्न सक्दैन।
उनले विभिन्न टेलिफिल्म र फिल्म गरिन्, तर सफलता हात पार्न भने २५ वर्षको उमेर नै कुर्नुप¥यो। २५ वर्षको उमेरमा भने उनको जिन्दगीमा निकै ठूलो परिवर्तन आयो। किनभने, उनले फ्रेण्डस् नामको चर्चित टेलिसिरिजमा अभिनय गर्ने मौका पाइन्। सिरिजको १० औं सिजनमा आइपुग्दासम्म दर्शक उनको अभिनय देखेर फिदा भइरहेका थिए।
फेन्ड्स टेलिसिरिजमा उनको हेयर स्टाइलको पनि निकै चर्चा भयो। उनले यो टेलिसिरिजबाट निकै अर्वाड पनि हात पारिन्।
सन् १९९८ मा उनको भेट ब्राड पिटसँग भयो। त्यसको दुई वर्षमा यी दुईले बिहे पनि गरे। तर सन् २००५ मा उनका श्रीमान् पिटले उनलाई चिट गरे। त्यो पनि अर्की चर्चित नायिका एन्जेलिना जेलीसँग लागेर। यो मिस्टर एण्ड मिसेस स्मिथको सुटिङ सेटमा भएको थियो।
यही धोकापछि यो जोडीको सम्बन्ध बिच्छेद भयो। त्यो सहन उनलाई निकै गाह्रो भयो। उनले मन भुलाउन योगा, विभिन्न ठाउँका यात्रा गर्न थालिन्। तर, सञ्चार माध्यममा भने यो जोडी छुट्नुका कारण जेनिफरले बच्चा जन्माउन इन्कार गर्नु हो भन्ने आयो। उनले यो कुराको बारम्बार जवाफ दिनुपर्याे। भनिरहिन्–म बच्चा चाहन्छु । यो घटनापछि उनलाई २४ सै घण्टा पापाराजीले घेर्न थाले।
सम्बन्ध बिच्छेद भए पनि यी दुईको सम्बन्ध राम्रो छ। उनीहरू एकअर्कालाई मायाले अहिले पनि ‘हनी’ भनेर बोलाउँछन् । एक अर्कासँग ठट्टा गर्छन्। जसले गर्दा उनीहरूको शुभचिन्तक अझै यी दुई एक होऊन् भन्ने चाहन्छन्।
हास्य सिरिज छाडेर सन् २००६ मा उनले फेरि फिल्ममा इन्ट्री मारिन्, ‘द ब्रेक अप’बाट। तर यहाँ पनि उनको चर्चा फिल्मसँग भन्दा मुख्य पुरुष कलाकार भेनिस भौग्गासँग नाम जोडिएर भयो। वर्षौ पछि भौग्गाले पापाराजीको दबावका कारण आफूहरूको ब्रेकअप भएको बताएका थिए।
पछि उनले दोस्रो बिहे गरिन्, जस्टिन थेरोक्ससँग। तर त्यो पनि धेरै समय टिक्न सकेन। सन् २०१७ मा जस्टिनसँग पनि सम्बन्ध बिच्छेद भयो।
उनले ३९ वर्षको उमेरमा आफ्नै प्रोडक्सन कम्पनी खोलिन्। जसको नाम हो इको फिल्मस्। ४५ वर्षको उमेरमा उनले आफ्नो हास्य विधा परिवर्तन गरिन्, फिल्म ‘केक’ बाट। नायिकाको भूमिकाबाट उनले आमाको भूमिका निर्वाह गरेकी थिइन्, जसले एक कार एक्सिडेन्टमा आफ्नो छोरा गुमाउँछिन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
