इलाममा राष्ट्रिय परिचयपत्रका लागि विवरण संकलन हुने भएको छ । यही फागुन १० गतेदेखि १२ गतेसम्म अभियान नै सञ्चालन गरेर राष्ट्रिय परिचयपत्र तथा पञ्जीकरण विभागबाट खटिएका कर्मचारीले परिचयपत्रका लागि व्यक्तिगत र जैविक तथ्यांक संकलन गर्ने बताइएको छ । स्थानीय तहको आवश्यकतानुसार एक पालिकामा ३८ देखि ४२ वटासम्म एकाइ राखेर विवरण संकलन गरिने बताइएको छ ।
विभागले स्थानीय तहसँग समन्वय गरेर तथ्यांक संकलन गर्ने योजना बनाएको छ । एउटा वडामा बढीमा १५ दिन तथ्यांक संकलनको काम हुनेछ । पहिलो चरणम इलाम नगरपालिकामा संकलनको काम गरी क्रमशः अन्य स्थानीय तहमा तथ्यांक संकलनको काम हुने बताइएको छ ।
तीन महिनाभित्र इलाममा राष्ट्रिय परिचयपत्रका लागि तथ्यांक संकलनको काम पूरा हुने विभागका महानिर्देशक जीतेन्द्र बस्नेतले बताए ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
