तस्बिर : भुवन रायमाझीको फेसबुकबाट।
काठमाडौं- काभ्रेको भकुण्डेवेशीमा आइतबार जीप दुर्घटना भएको छ। नमोबुद्ध नगरपालिका–२ सेल्फीडाँडा नजिकै भएको दुर्घटनामा परेर १० जना घाइते भएका प्रहरीले जनाएको छ।
घाइते सबैलाई उद्धार गरी उपचारका लागि धुलिखेल अस्पताल लगिएको काभ्रे प्रहरी प्रमुख, एसपी भूपेन्द्र खत्रीले बताए। काठमाडौंबाट सिन्धुलीका लागि छुटेको बा १ ज २३३ नम्बरको टाटा सुमो जीप विपरीत दिशाबाट आएको प्रदेश ३–०२–००१ प ९७४५ नम्बरको मोटरसाइकलसँग ठोक्किएर सडकभन्दा तल खसेको प्रहरीले जनाएको छ।
दुुर्घुटनामा जीपमा सवार ८ र मोटरसाइकलमा सवार २ जना घाइते भएका छन्। घाइतेमध्ये सुमो चालक र एक महिलाको अवस्था चिन्ताजनक रहेको काभ्रे प्रहरीले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1766204695.gif)
-1764146706.png)
-1763721444.png)
