सेनाका साउदले जिते ‘व्यास नगर अल्ट्रा म्याराथन’को उपाधि

सुरक्षा/अपराध

नेपाल लाइभ आइतबार, वैशाख ३०, २०७५ ०१:३७

दमौली- तनहुँको व्यास नगरपालिकाद्वारा शनिबार आयोजित ‘व्यास नगर अल्ट्रा म्याराथन’को उपाधि नेपाली सेनाका प्युठ ३२ वर्षीय नवराज साउदले जितेका छन्। १ सय ५९ जना धावकलाई पछाडि पार्दै उनले उपाधि जितेका हुन्।

४४ किलोमिटरको दूरी ३ घण्टा १३ मिनेट ५३ सेकेण्डमा पार गर्दै साउदले उपाधिमाथि कब्जा जमाएका हुन्। त्रिभुवन आर्मी क्लब काठमाडौँमा प्युठमा कार्यरत साउदले समयलाई ख्याल गरी दौडदा आफू प्रथम हुन सफल भएको बता।

यसअघि साउदले पोखरामा भएको ४२ किलोमिटर सफल म्याराथनमा प्रथम भइ ६० हजार र हेटौंडामा खुल्ला म्याराथनमा द्वितीय भइ २५ हजार रुपैयाँ पुरस्कार जितेका थिए।

त्रिभुवन आर्मी क्लबकै ३३ वर्षीय राजन खत्री ३ घण्टा १७ मिनेटमा दूरी पार गर्दै द्वितीय भएका छन्। रुकुम घर भएका शिक्षक २९ वर्षीय दुर्गा बुढा मगर ३ घण्टा १९ मिनेट ३१ सेकेण्डमा दूरी पार गर्दै तृतीय भएका छन्।

प्रथम, द्वितीय र तृतीय भएका धावकलाई क्रमशः ७५ हजार ७५, ५५ हजार ७५ र ३५ हजार ७५ रुपैयाँ प्रदेश ४ का सांसद डोबाटे विक, सरिता गुरुङ र व्यास नगरपालिकाका प्रमुख वैकुण्ठ न्यौपानेले संयुक्त रुपमा प्रदान गरेका थिए। रासस

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

माओवादीले जेठ २१ गतेदेखि मध्यपहाडी अभियान सञ्चालन गर्ने

गृहमन्त्रीले राजीनामा नदिएसम्म सदन चल्न नदिने माओवादीको निर्णय

ठूलो परिणाममा लागु औषधसहित बाराबाट दुई भारतीय पक्राउ