काठमाडौं- भारतीय समाचार टेलिभिजन च्यानल जी-न्युले सगरमाथा नेपालमा नै पर्ने र यो तथ्यलाई कसैले पनि इन्कार गर्न नसक्ने भन्दै सामग्री प्रशारण गरेको छ। बुधबार जी-न्युजका सम्पादक सुधीर चौधरीले यस्तो प्रष्टीकरण दिएका हुन्।
आइतबार हेलिकोप्टरमार्फत् सगरमाथाको बेसक्याम्प पुगेका चौधरीको टिमले निर्माण गरेको सामग्री मंगलबार प्रशारण भएको थियो। उक्त सामग्रीमा नेपालमा सर्वोच्च शिखरलाई सगरमाथा र चीनमा चोमोलुङमा भनिएजस्तै भारतमा माउन्ट सिकदर भनिनुपर्ने बताएका थिए।
सोही विषयमा नेपालका सञ्चारमाध्यममा विवादित विषय प्रकाशन भएको भन्दै चौधरीले प्रष्टीकरण दिँदै भनेका छन्, 'माउन्ट एभरेस्ट (सगरमाथा) नेपालमा पर्छ, यसलाई कोही इन्कार गर्न सक्दैन।'
आफूले नेपालमा पर्ने सगरमाथामा भारतले दाबी गर्नुपर्छ भनेर नभनेको तर सगरमाथाको उचाइ नाप्ने राधानाथ सिकदरकै नामबाट भारतमा चिनिनुपर्ने भने बताएको स्पष्टीकरण दिएका छन्।
उनले दिएको स्पष्टीकरण जस्ताको तस्तै:
हामी नेपाली दर्शकसँग भन्दैछौं, नेपाल र भारतबीच राम-लक्ष्मणको सम्बन्ध छ। माउन्ट एभरेस्ट नेपालको हो। नेपालकै रहन्छ। यसको ठाउँ कोही बदल्न सक्दैन। यो नेपालको हो, यसलाई कसैले इन्कार गर्न सक्दैन।
सरकार जसको भएपनि हामीलाई मिलेर अघि बढ्नु छ। राजनीति भइरहन्छ।वनेपाल र भारतका जनताबीच कुनै समस्या छैन । कुनै पर्खाल आउन दिँदैनौं पनि। हाम्रा लागि तपाई (नेपाली) र भारतीय दर्शक उत्तिकै महत्वपूर्ण हुनुहुन्छ।
हाम्रो भनाई यत्ति हो कि यो पर्वतको उचाइ मापन गर्ने भारतीय गणितज्ञ राधानाथ सिकदरलाई उनकाे श्रेय मिल्नुपर्छ। यसमा नेपाल अड्चन छैन। किनकि हामी नेपालसँग केही छिन्न चाहन्नौं।
हामी चाहन्छौं, भारत यसलाई आफ्नो नामबाट चिनोस्। जस्तै नेपालले आफ्नो नाम तय गरेको छ। ऊ माउन्ट एभभरेस्ट हैन, सगरमाथाले चिन्छ। यस्तै भारतले माउन्ट सिकदरले जानोस्। यदि नेपाल र दुनियाँभरका मान्छे स्वीकार गर्छन् भने यो उनीहरुको बडप्पन नै हुन्छ।
सिकदर हुनेबित्तिकै एभरेस्टमा भारतको कब्जा हुँदैन। नेपाल र चीनको सीमानामा यस्तै रहिरहनेछ। यसबाट एउटा गल्ती सुधारिनेछ, जुन ब्रिटिस शासनले जानीबुझी गरेको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791271370.png)
-1786602170.png)
