काठमाडौं–गोकर्णेश्वर नगरपालिकाको मुक्तिनाथ महिला समूहले नगरका विपन्न सुत्केरी महिलाहरुलाई पोषणयुक्त आहार वितरण गरेको छ। नगरपालिकाको माकलबारी क्षेत्रमा रहेका सुत्केरीहरुलाई पोषण आहार वितरण गरिएको हो।
टोल समुदायका महिलाहरु मिलेर बचतका लागि सुरु भएको यो समूहले कोरोना महामारीका कारण समस्यामा परेका सुत्केरी र बच्चाहरुका लागि सहयाेग गरेको हो।
नगरपालिकाको सहयोगमा समूहले उक्त क्षेत्रका ८० महिलालाई अण्डा, हर्लिक्स, घ्यू र अन्य सामग्रीहरु वितरण गरेको समूहकी अध्यक्ष विमला श्रेष्ठले बताइन्।
कार्यक्रममा बोल्दै नगरपालिकाका मेयर सन्तोष चालिसेले आफ्नो टोलमा रहेका महिलाहरुको सहयोगमा महिला समूह नै लाग्नु निकै प्रशंसायोग्य काम भएको बताए। नगरले यस्तो पवित्र उद्देश्य राखेर काम गर्ने संस्थाहरुसँग आगामी दिनमा हातोमालो गरेर काम गर्ने प्रतिबद्धतासमेत उनले जनाए। समूहकी अध्यक्ष श्रेष्ठले कोरोना महामारीले आहतमा परेका दिदीबहिनीहरुलाई केही राहत होस् भनेर समूहले मनैदेखि सहयोग गरेको बताइन्। समुहले समुहका सदस्यहरु भवानी चाैलागाई ,जमुना पाठक, भवानी दगाल, रिता तिमल्सिना ,सज्जा परियार र निशा लिम्बुलाई सस्थाकाे हितमा स्थापनाकालदेखि निरन्तर काम गरेकाे भनि सम्मान गरेकाे थियाे ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1763721444.png)
