काठमाडौं- फ्रेन्च क्लब पिएसजीले प्रशिक्षक थोमस टचेललाई बर्खास्त गरेको छ। सन् २०१८ को जुनमा प्रशिक्षक बनेका टचेललाई साढे दुई वर्षपछि हटाइएको हो। जहाँ उनले दुई लिग उपाधि, फ्रेन्च कप र फ्रेन्च लिग कपको उपाधि जिताए।
टचेलले प्रशिक्षकका रुपमा गएको सिजन पिएसजीलाई च्याम्पियन्स लिगको फाइनलसम्म लगेका थिए। जहाँ जर्मन क्लब बायर्न म्युनिकसँग १–० ले पराजित भएको थियो। जुन पिएसजीको पहिलो च्याम्पियन्स लिग फाइनल खेल हो।
यो सिजन च्याम्पियन्स लिग अन्तिम १६ मा बार्सिलोनासँग खेल्ने तयारीमा रहेको पिएसजी लिगमा तेस्रो स्थानमा रहेको छ। लिग वानमा स्टार्सबर्गलाई ४–० ले हराएको केही घन्टापछि प्रशिक्षक बर्खास्तीमा परेका हुन्। उनको सम्झौता यो सिजनको अन्त्यमा सकिँदै थियो।
प्रशिक्षक टचेलको समय च्याम्पियन्स लिग फाइनल खेलमा भएको हारसँगै कठीन भएको विश्लेषण फुटबल विश्लेषकहरुले गरिरहेका छन्। उनले केही समयअघि आफू प्रशिक्षकका रुपमा भन्दा क्लबमा खेल राजनीतिज्ञका रुपमा रहनुपरेको बताएका थिए। तर टचेलले पछि उक्त भनाइ गलत रुपमा अथ्र्याइएको बताएका थिए।
टचेललाई बर्खास्त गरेको पिएसजी इंग्लिस क्लब टोटनह्यामका पूर्वप्रशिक्षक मोउरिसियो पोचेटिनोलाई ल्याउने तयारीमा लागेको छ। पिएसजी ब्यवस्थापन अहिले उनीसँग कुराकानीमा रहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
