काठमाडौं-नविल बैंकले वाणिज्य बैंकहरुमध्ये सबैभन्दा धेरै लाभांश घोषणा गरेको छ। बैंककाे ५५२ औं संचालक समिति बैठकले गत आर्थिक वर्ष २०७६/७७ को मुनाफाबाट ३३.५ प्रतिशत बोनस शेयर र बोनस शेयरमा लाग्ने कर प्रयोजनका लागि १.७५ प्रतिशत नगद लाभांश वितरण गर्ने घोषणा गरेको हो।
बैंकले अघिल्लो आर्थिक वर्षको भन्दा थोरै लाभांश बढाएको हो। अघिल्लो वर्ष १२ बोनस शेयर र २२ प्रतिशत नगद लाभांश वितरण गरेको थियो। हाल बैंकको चुक्ता पुँजी १० अर्ब ९ करोड रुपैयाँ रहेको छ। प्रस्तावित तीन अर्ब ३८ करोड रुपैयाँको बोनस शेयर वितरणपछि चुक्ता पुँजी १३ अर्ब ४७ करोड रुपैयाँ पुग्नेछ।
बैंकले गत आर्थिक वर्षमा तीन अर्ब ५६ करोड रुपैयाँ नाफा आर्जन गरेको थियो। बैंकले नाफा तथा जगेडा कोषलाई प्रयोग गरेर बोनस शेयर वितरण गर्ने भएको हो। अधिकांश बैंकहरुले पुँजी बढाउदै गर्दा नविलले पनि यस वर्ष पुँजी बढाएको हो। गत वर्षको वित्तीय विवरण अनुसार बैंकको जगेडा कोषमा १२ अर्ब ६६ करोड रुपैयाँ रहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789386153.jpg)
-1786602170.png)
-1789631269.jpg)
