प्राइम बैंकको १५ प्रतिशत र एनएमबी बैंकको १६.२ प्रतिशत बोनस सेयर घोषणा

बैंक/बिमा/सेयर

नेपाल लाइभ सोमबार, पुस ६, २०७७ ११:४९

काठमाडौं- प्राइम कमर्सियल बैंकले गत आर्थिक वर्ष २०७६/७७ को मुनाफाबाट १५ प्रतिशत बोनस सेयर दिने घोषणा गरेको छ। त्यस्तै एनएमबी बैंकले पनि गत आर्थिक वर्षको मुनाफाबाट १६.२० प्रतिशत लाभांश दिने प्रस्ताव गरेको हो।

प्राइम बैंकको आइतबार साँझ बसेको सञ्चालक समितिको बैठकले हाल कायम चुक्ता पुँजी १३ अर्ब ९८ करोड रुपैयाँको १५ प्रतिशत बोनस सेयर वितरण गर्ने प्रस्ताव गरेको हो। २ अर्ब ९ करोड रुपैयाँ बोनस सेयर वितरणपछि बैंकको चुक्ता पुँजी १६ अर्ब ८ करोड रुपैयाँ पुग्नेछ।

त्यस्तै एनएमबी बैंकले ४६ करोड २३ लाख रुपैयाँ नगद लाभांश र एक अर्ब ८७ करोड रुपैयाँ बोनस सेयर वितरण गर्ने प्रस्ताव गरेको हो। हाल बैंकको चुक्ता पुँजी १४ अर्ब ४४ करोड रुपैयाँ रहेको छ। प्रस्तावित बोनस सेयर वितरणपछि चुक्ता पुँजी १६ अर्ब ३१ करोड रुपैयाँ पुग्नेछ।

दुवै बैंकले प्रस्ताव गरेको लाभांश नेपाल राष्ट्र बैंकले स्वीकृत गरेपछि मात्रै वार्षिक साधारणसभा आह्वान गर्न सक्ने छन्। साधारणसभाले प्रस्तावित लाभांश स्वीकृत गरेपछि सेयरधनीले प्रस्तावित लाभांश प्राप्त गर्न सक्ने छन्। दुवै बैंकले पुँजी बढाउने नीति लिएका छन्।

नेपाल राष्ट्र बैंकले बाणिज्य बैंकको न्युनतम चुक्ता पुँजी ८ अर्ब रुपैयाँ तोके पनि बैंकहरुले तोकेको पुँजी भन्दा दोब्बरले बढाएका छन्। दुवै बैंकले मर्जर र बोनस सेयरमार्फत् पुँजी बढाएका हुन्। अन्य फाइनान्स तथा विकास बैंकलाई किनेर दुबैले आफ्नो आकार बढाएका हुन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

स्वयम्भूबाट अभिनेत्री तथा अभियान्ता आशिका तामाङ पक्राउ

सरकार ढल्ने चर्चा बजार हल्ला मात्रै हो, सकारात्मक दूरगामी महत्वको नीति निर्माणमा हामी सक्रिय छौं : प्रधानमन्त्री ओली

सुन चाँदीको मूल्यमा सामान्य वृद्धि