श्रीराम सुगर मिल्सले भन्यो- उखु किसानको पैसा शुक्रबारदेखि भुक्तानी सुरु गर्छौं

कृषि

नेपाल लाइभ शुक्रबार, पुस ३, २०७७ १४:५०

काठमाडौं- श्रीराम सुगर मिल्सले उखु किसानको बक्यौता रकम शुक्रबारदेखि भुक्तानी गर्ने प्रतिबद्धता व्यक्त गरेको छ। किसानहरु माइतिघर मण्डलामा आन्दोलनमा रहेकाले सरकारले पक्राउ पुर्जी जारी गरेपछि एक विज्ञप्ति जारी गर्दै शुक्रबारदेखि भुक्तानी प्रक्रिया अघि बढाउने जनाएको हो।

रौतहटको गरुडास्थित रहेको उद्योगले किसानहरुसँग माफी माग्दै उद्योगले भुक्तानी गर्न बाँकी रहेको बक्यौता रकम भुक्तानीका लागि उद्योगको बैंक खातामा रकम जम्मा भइसकेको दाबी गरेको छ।

एक विज्ञप्ति जारी गर्दै उद्योगले बक्यौता रकमका सम्बन्धमा पटक पटक सम्बन्धित निकायहरुमा छलफल गरी समस्या समाधानका उपायहरु खोजे पनि समाधान हुन नसकेको दाबी गरेको छ।

साथै भुक्तानीका लागि कारनास्थलमा सूचना टाँस गरिसकेको उद्योगले जनाएको छ।

‘शुक्रबारदेखि नै भुक्तानी चालु गर्ने व्यहोरा उल्लेख भएको सबैमा जानकारी गराउन चाहन्छौं‚’ विज्ञप्तिमा भनिएको छ। साथै उद्योगले उखु किसानलाई भुक्तानी गर्न बिलम्व भई पर्न गएको पीर मर्का तथा दुःखप्रति क्षमायाचना गरेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

परराष्ट्रमन्त्री राणाद्वारा जालपादेवी केबलकार शिलान्यास

सुडानमा विद्रोही अर्धसैनिक समूहको आक्रमणमा २० जनाको मृत्यु, १७ घाइते

लोकतन्त्र स्थापनामा पत्रकारिता क्षेत्रको भूमिका महत्वपूर्ण छ: परराष्ट्रमन्त्री राणा