पञ्जावको ब्याटिङ चलेन, राजस्थानको प्लेअफ पुग्ने सम्भावना कायमै

सुरक्षा/अपराध

नेपाल लाइभ मंगलबार, वैशाख २५, २०७५ १८:४८

जयपुर- आइपिएल क्रिकेटमा राजस्थान रोयल्यसले किंग्स इलावेन पञ्जावलाई पराजित गरेको छ। मंगलबार जयपुरमा भएको खेलमा राजस्थानले पञ्जावमाथि १५ रनको जित हात पारेको हो।

जितसँगै १० खेलबाट ८ अंक जोड्दै राजस्थानले प्लेअफमा पुग्ने आसा बाँकी राखेको छ। राजस्थान पुछारबाट तेस्रो स्थानमा उक्लिएको छ। पञ्जाव १० खेलबाट १२ अंक जोड्दै तेस्रो स्थानमा छ।

मंगलबार राति राजस्थानले दिएको १ सय ५९ रनको लक्ष्य पछ्याएको पञ्जावले ७ विकेट गुमाएर १ सय ४३ रन मात्र जोड्न सक्यो। पञ्जावका लागि ओपनर लोकेश राहुलले नटआउट ९५ रन जोडेपनि जितका लागि पर्याप्त हुन सकेन। किनकी अन्य ब्याट्सम्यान सस्तैमा आउट भए। क्रिस १ रनमा आउट हुँदा कप्तान रविचन्द्रन आस्विन शून्यमा रनमा आउट भएका थिए। लगत्तै करुण नइर ३ रन र अक्षदिप नाथ ९ रनमा आउट भएक थिए। पञ्जावको इनिङ ध्वस्त पार्ने क्रममा राजस्थानका कृष्णप्पा गोथानले २ विकेट लिए। अन्य चार बलरले १-१ विकेट लिए।

त्यसअघि पहिले ब्याटिङ गरेको राजस्थानले ८ विकेटको क्षतिमा १ सय ८२ रन जोड्यो। उसका लागि जोस बटलरले ५८ रन जोडे। उनले ५८ बलमा ९ चौका र १ छक्का प्रहार गरे। सन्जु समासनले २२ रन जोड्दा अन्य ब्याट्सम्यानले उल्लेख्य रन जोड्न सकेनन्। बलिङतर्फ पञ्जावका एन्ड्रिय टेले ४ र मुजिर उर रहमानले २ विकेट लिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

बालिकालाई सामूहिक बलात्कार गरेको आरोपमा चार जना पक्राउ

सेयर धितो कर्जाको जोखिम भार घट्यो

अनेरास्ववियुमा ३२ वर्षे उमेर हद लगाउने एमालेको निर्णय