काठमाडौं– चौथो केएनपी राष्ट्रिय महिला भलिबल प्रतियोगिताको उपाधि एपिएफ क्लबले जितेको छ। एपिएफले लगातार चौथो पटक उपाधि जितेको हो।
मंगलबार भएको फानलमा एपिएफले नेपाल पुलिसलाई ३–० को सोझोे सेटमा हराउँदै उपाधि जितेको हो सिजनको पहिलो खेलमा पहिलो उपाधि हात पार्ने क्रममा एपीएफले पुलिसको चुनौति २५–१२, २५–१९ र २५–१७ ले पन्छायो।
उपाधिसँगै एपिएफले १ लाख ५० हजार नगद पुरस्कार प्राप्त गर्यो। दोश्रो स्थानमा चित्त बुझाएको पुलिसले १ लाख हात पार्यो। त्रिपुरेश्वरस्थित राष्ट्रिय खेलकुद परिषदको कवर्डहलमा तेस्रो स्थानको लागि भएको खेलमा न्यू डायमण्डले पश्चिमाञ्चललाई २५–१४,२५–१६ र २५–१४ को सोझो सेटमा हरायो। न्युडायमण्डले ५० हजार प्राप्त गर्यो।। अघिल्ला तीनै संस्करणमा एपीएफ बिजेता तथा शिवम् न्यु डायमण्ड उपविजेता भएको थियो ।
बालकोट स्थित शेरवहादुर खड्का स्मृति प्रतिस्ठानको आयोजनामा संचालन भएको प्रतियोगिताको केएनपी उत्कृष्ट खेलाडीको उपाधि एपीएफ क्लवकी सरस्वती चौधरी हात पारिन्। उनले ३० हजार बराबरको घडी र नगद १० हजार पुरस्कार पाइन्। स्पेसल अवार्डबाट एपीएफकी रेश्मा भण्डारी सम्मानित भइन्। उनले पनि घडी र नगद १० हजार प्राप्त गरिन् ।
उत्कृष्ट स्पाइकरको उपाधि डायमण्ड क्लवकी प्रतिभा माली जितिन्। डिफेन्स डायमण्डकी सलिन श्रेष्ठले हात पारिन् उत्कृष्ट ब्लकरमा नेपाल पुलिसकी मनिषा चौधरी चुनिइन्। उत्कृष्ट सेटर लिसकी कमला पुनले जितिन्। उत्कृष्ट सर्भर एपिएफकी उषा विष्ट भइन। उत्कृष्ट क्वीकर न्यू डायमण्डकी ललिता नाथ र उत्कृष्ट प्रशिक्षक एपिएफका ज्ञानेन्द्र विष्ट घोषित भए। बिधागत विजेताले जनहि नगद ५ हजार प्राप्त गरे ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
