काठमाडौँ- गायक देवी घर्ती र कमल कुमालको स्वरमा ‘मन चोरी’ बोलको गीत सार्वजनिक भएको छ। कुमालकै शब्दमा ‘मन चोरी लग्यो कालेले’ बोलको गीत सार्वजनिक भएको हो।
स्थानीय गाउँठाउँमा र दोहोरी कार्यक्रममा गाउँने गरे पनि कमलले गीतका रूपमा भने पहिलो पटक ल्याएका हुन्। गीतमा प्रयोग भएका शब्दहरु दाङ तथा देउखुरी आसपासमा बोलिने भाषिकाबाट पनि लिइएका छन्।
गीतको संगीत चेतन गोतामेको छ भने म्युजिक भिडियोको निर्देशन कुमाल र नारायणी खत्रीले गरेका छन्। गीतको भिडियोमा अञ्जली अधिकारी, सविन मगर र कमलको अभिनय देख्न सकिन्छ।
गीतलाई ओएसआर डिजिटलले बजारमा ल्याएको हो।
भिडियो
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।