काठमाडौं- विश्व फुटबलको सर्वोच्च निकाय फिफाले वर्षको उत्कृष्ट गोलका लागि दिने पुसकास अवार्डका लागि विभिन्न ११ खेलाडीको गोल मनोनयनमा परेका छन्। जसमा ब्रन्लीविरुद्ध टोटनह्यामका सन हिउङ मिनले गरेको गोलदेखि मायोर्काविरुद्ध बार्सिलोनाका लुइस स्वारेजको गोलसम्म परेको छ।
उत्कृष्ट गोलको अवार्ड फिफा लिजेन्ड खेलाडीको प्यानलसमेत रहेको निर्णायक मन्डलले गर्ने भोटका साथै फिफा डटकममार्फत दर्शकले दिने भोटका आधारमा दिइनेछ।
उत्कृष्ट गोलका लागि दिने पुसकास अवार्डसँगै सात विधाको मनोनयन फिफाले बुधबार सार्वजनिक गरेको हो। जसमा वर्ष उत्कृष्ट पुरुष खेलाडीमा ११, उत्कृष्ट महिला खेलाडी ११, उत्कृष्ट महिला गोलकिपरमा ६, उत्कृष्ट पुरुष गोलकिपरमा ६, उत्कृष्ट महिला टिम प्रशिक्षकमा ७, उत्कृष्ट पुरुष टिम प्रशिक्षकमा ५ जना रहेका छन्।
यी हुन् उत्कृष्ट ११ गोल
कोस्टा रिका भर्सेस पानामा (महिला ओलम्पिक छनोट, २८ जनवरी २०२०)
जर्जियन डि अराकास्टा (सेरा एससी भर्सेस सिआर फ्लामेन्गो, २५ अगस्ट २०१९)
जोर्डन फ्लोरेस (शामरक रोभर्स भर्सेस डन्डलक एफसी, २८ फेब्रुअरी २०२०)
एन्ड्रे पिएरा (युएएनएल टिर्गेस भर्सेस पुमास युएनएएम, १ मार्च २०२०)
सोफी इंगल (आर्सनल महिला भर्सेस चेल्सी महिला, १९ जनवरी २०२०)
जाल्ट्को जुनुजोभिक (एसके रापिड वाइन भर्सेस साल्सबर्ग, २४ जुन २०२०)
हेलोम्फो केकाना (मामेलोडी सनडाउन्स भर्सेस केपटाउन, २० अगस्ट २०२०)
सन हिउङ मिन (टोटनह्याम भर्सेस ब्रन्ली, ७ डिसेम्बर २०१९)
लियोनल क्विनोज (युनिभर्सिडाड क्याटोलिका भर्सेस माकारा, १९ अगस्ट २०१९)
लुइस स्वारेज (बार्सिलोना भर्सेस मायोर्का, ७ डिसेम्बर २०१९)
क्यारोलिन वाइर (म्यानचेस्टर सिटी महिला भर्सेस म्यानचेस्टर युनाइटेड महिला, ७ सेप्टेम्बर २०१९)
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
