काठमाडौं- इंग्लिस प्रिमियर लिग फुटबलमा एभर्टनले जित हात पारेको छ। आइतबार राती भएको खेलमा एभर्टनले फुलहामलाई ३-२ गोल अन्तरले पराजित गरेको हो।
घरेलु टिम फुलहामविरुद्ध जित निकाल्ने क्रममा एभर्टनका डोमिनिक काल्भर्ट लेविनले दुई र डाउकरले एक गोल गरे। त्यस्तै, फुलहामका लागि बबी रेइड र रुबेन लोफ्टसले गोल गरे। खेलको पहिलो मिनेटमा नै काल्भर्ट लेविनले गोल गर्दै एभर्टनलाई सुरुवाती अग्रता दिलाएका थिए।
खेलको १५औं मिनेटमा बबी रेइडले गोल गर्दै घरेलु टिम फुलहामलाई १–१ गोलको बराबरी दिलाएका थिए। तर खेलको २९ औं मिनेटमा काल्भर्ट लेविनले गोल गर्दै एभर्टनलाई २–१ गोलको अग्रता दिलाए।
खेलको ३५औं मिनेटमा डाउकरले गोल गर्दै एभर्टनलाई पहिलो हाफसम्म ३–१ गोलको अग्रता दिलाए। खेलको ७०औं मिनेटमा रुबेनले गोल गर्दै फुलहामलाई ३–२ गोलको स्थितिमा ल्याए। तर बाँकी समयमा फुलहामले गोल गर्न नसक्दा एभर्टनसँग हार्न पुगेको छ।
जितपछि एभर्टनले ९ खेलबाट १६ अंक बनाउँदै छैटौं स्थानमा उक्लिएको छ। पराजित फुलहाम भने ९ खेलबाट ४ अंक बनाउँदै लिगको १७औं स्थानमा छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1770371729.jpg)
-1764146706.png)
