काठमाडौं– डिफेन्डिङ च्याम्पियन युभेन्टसले इटालियन सिरि ए फुटबलमा जित निकालेको छ। क्रिष्टियानो रोनाल्डो चम्किँदा युभेन्टसले काग्लियारीलाई २–० गोलअन्तरले पराजित गरेको हो।
घरेलु टिम युभेन्टसको जितमा रोनाल्डोले दुवै गोल गरे। खेलको ३८ औं मिनेटमा रोनाल्डोले मोरटाको एसिस्टमा गोल गर्दै युभेन्टसलाई अग्रता दिलाए। खेलको ४२ औं मिनेटमा रोनाल्डोले अर्को गोल थप्दै युभेन्टसलाई २–० गोलको अग्रता दिलाए।
पहिलो हाफमा नै दुई गोलको अग्रता बनाएको युभेन्टसले दोस्रो हाफमा आफ्नो अग्रतालाई कायमै राख्दै जित निकाल्यो। काग्लियारीविरुद्ध पूरै खेलअवधिभर युभेन्टसले दबाब दिएर खेलेको थियो। ६७ बल पोजिसनमा राखेको युभेन्टसले काग्लियारीको पोष्टमा २४ पटक बल प्रहार गरेको थियो।
शनिबार राति नै भएका अन्य खेलमा लाजियोले क्रोटोनलाई २–० गोलअन्तरले पराजित गर्दा एटलान्टा र स्पेजियाले भने गोलरहित बराबरी खेलेका छन्।
जितसँगै युभेन्टस इटालियन सिरि ए फुटबलको दोस्रो स्थानमा उक्लिएको छ। युभेन्टसले आठ खेलबाट १६ अंक बनाउँदा पराजित काग्लियारीको भने १० अंक छ। लिगको शीर्ष स्थानमा रहेको एसी मिलानको सात खेलबाट १७ अंक छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
