सुर्खेत- तीन वर्षीय बालकलाई ठक्कर दिएर मोटरसाइकलसहित फरार भएका दुई जनालाई सुर्खेत प्रहरीले पक्राउ गरेको छ। जिल्ला प्रहरी कार्यालयले वीरेन्द्रनगर नगरपालिका–५ का जीवन चौहान र नवीन भनिने अमर सलामीलाई मोटरसाइकलसहित बिहीबार दिउँसो पक्राउ गरेको जनाएको हो।
वीरेन्द्रनगर १ का तीन वर्षीय समीर नेपालीलाई मङ्गलबार जिल्ला प्रहरी कार्यालय अगाडिको सडकमा मोटरसाइकलले ठक्कर दिँदा उपचारका लागि अस्पताल लैजाने क्रममा उनको बाटोमै मृत्यु भएको थियो। घटनाको एक दिन बितिसक्दा प्रहरीले दोषी पक्राउ गर्न नसकेको भन्दै बुधबारदेखि पीडित पक्षले कर्णाली राजमार्गको बाङ्गेसिमल खण्डमा सडक अवरुद्ध पारेका थिए।
जिल्ला प्रहरी कार्यालयका प्रवक्ता प्रहरी नायब उपरीक्षक रामप्रसाद घर्तीले पक्राउ परेका दुई जनामाथि सोधपुछ भइरहेको बताए। प्रहरीले घटनाको अनुसन्धानका लागि १६ वटा मोटरसाइकल नियन्त्रणमा लिएको थियो। तीमध्ये लु ६२ प ७००३ नम्बरको मोटरसाइकलका चालक सम्पर्कमा नआएपछि प्रहरीले खोजी कार्य तीव्र पारेको थियो। प्रहरी कार्यालयमा चालकका अभिभावकले उक्त मोटरसाइकल बुझाएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787673555.png)
-1787673999.jpeg)
-1786602170.png)
-1786513116.png)
