सडक अवरोध भएका बेलाको तस्बिर।
धादिङ- धादिङ जिल्लास्थित धुनिबेँसी नगरपालिका–७ खानीखोलामा ट्रकले किचेर बालकको मृत्यु भएपछि अवरुद्ध भएको पृथ्वी राजमार्ग संचालनमा आएको छ। मृतकका परिवारलाई क्षतिपूर्ति दिने सहमतिपछि सडक संचालनमा आएको धादिङ प्रहरीले जानकारी दिएको छ।
बुधबार दिउँसो ना ६ ख ४९४७ नम्बरको ट्रकले ठक्कर दिएर ८ वर्षीय रितेश तामाङको मृत्यु भएको थियो। बालकको मृत्यु भएपछि करिब ४ घण्टा स्थानीयले पृथ्वी राजमार्ग अवरोध गरेका थिए।
मृतक बालकको शव सडकमै राखेर स्थानीयहरू विरोध प्रदर्शनमा उत्रिएका थिए। मृतकका परिवारलाई क्षतिपूर्ति दिने सहमतिपछि परिवारले शव जिम्मा लिएको र यातायात संचालनमा आएको हो। ठक्कर दिने ट्रक र चालकलाई प्रहरीले नियन्त्रणमा लिएको छ।
करिब ४ घण्टासम्म ठप्प बनेको पृथ्वी राजमार्जमा सवारी साधनको लामो लाइन लागेको थियो। अहिले पृथ्वी राजमार्गमा लाइन लागेका सवारी साधन गन्तव्यमा जान थालेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
