धादिङ- धादिङ जिल्लास्थित धुनिबेँसी नगरपालिका–७ खानीखोलामा ट्रकले किचेर बालकको मृत्यु भएको छ। ना ६ ख ४९४७ नम्बरको ट्रकले ठक्कर दिएर ८ वर्षीय रितेश तामाङको मृत्यु भएको धादिङ प्रहरीले जानकारी दिएको छ। ठक्कर दिने ट्रक र चालकलाई प्रहरीले नियन्त्रणमा लिएको छ।
बालकको मृत्यु भएपछि २ घण्टाभन्दा लामो समय अघिदेखि स्थानीयले पृथ्वी राजमार्ग अवरोध गरेका छन्। मृतक बालकको शव सडकमै राखेर स्थानीयहरू विरोध प्रदर्शनमा उत्रिएका हुन्।
सवारी साधन आवतजावत नभएपछि पृथ्वी राजमार्जमा सवारी साधनको लामो लाइन लागेको छ। प्रहरीले आवागमन खुलाउन पहल गरे पनि स्थानीय युवा नाराबाजी गरिरहेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1770527955.jpg)
-1764146706.png)
