प्रिमियर लिग : स्टोक सिटी रेलिगेशनमा, वेस्ट ब्रुम र स्वान्सीको आशा बाँकी

सुरक्षा/अपराध

नेपाल लाइभ शनिबार, वैशाख २२, २०७५ १९:३५

एजेन्सी- स्टोक सिटी इंग्लिस प्रिमियर लिगबाट रेलिगेशनमा परेको छ। शनिबार भएको खेलमा क्रिस्टल प्यालेससँग २-१ गोलले पराजित भएसँगै स्टोक सिटी १० वर्षपछि दोस्रो डिभिजन च्याम्पियनसिपमा झरेको हो।

खेलमा स्टोकले सुरुवाती अग्रता लिएपनि जोगाउन सकेन। ४३ मिनेटमा साकिरीको गोलबाट स्टोकले अग्रता लिएको थियो। तर प्यालेसका लागि म्याक अथरले ६८ र भान अनहोटले ८६ मिनेटमा गोल गरेपछि स्टोक स्तब्ध बनेको थियो।

यता टोटनह्यामाथि १-० को जित हात पारेको वेस्ट ब्रुमको भने रेलिगेशनबाट बच्ने आसा बाँकी नै छ। वेस्ट ब्रुमका लागि लिभरमोरले दोस्रो हाफको इन्जुरी टाइमको दोस्रो मिनेटमा गोल गरेका थिए।

रेलिगेशन जोनमा रहेको अर्को टिम स्वान्सी सिटी भने पराजित भएको छ। स्वान्सीलाई वर्नमाउथले १-० गोलले हरायो।

रेलिशेनको खतरामा रहेको साउथह्याम्टनले एभर्टनसँग १-१ को बराबरी खेलेको छ।

लिगको पुछारमा रहेको स्टोकले अन्तिम १ खेल बाँकी छदा ३० अंक मा जोड्क सक्यो। पुछारबाट दोस्रो स्थानमा रहेको वेस्ट ब्रुमको ३१ अंक छ भने अन्तिम २ खेल खेल्न बाँकी रहेको स्वान्सीको ३३ अंक छ। साउथह्याम्टनको पनि ३३ नै अंक छ। हडर्सफिल्डको ३५ र वेस्ट ह्यामको ३८ अंक छ। वेस्ट ब्रुम, स्वान्सी, साउथह्याम्टन, हडर्सफिल्ड र वेस्ट ह्याम मध्ये २ टिम रेलिगेशनमा पर्नेछन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

नागरिकमाथि गोली प्रहार गर्नु माओवादी हिंसाको चरम कायरता थियो : सिटौला

भिजिट भिसा प्रकरण : आरोप साँचो सावित भए मन्त्री पदमात्र होइन, राजनीति नै छोड्छुः गृहमन्त्री लेखक

रास्वपाद्वारा गृहमन्त्री लेखकको राजीनामा माग