काठमाडौं– प्रधानमन्त्री केपी शर्मा ओलीको ट्विटर फेरि दुरुपयोग भएको छ। प्रधानमन्त्री ओलीको ट्विटर ह्याण्डल केपी शर्मा ओलीबाट आफू कोरोना संक्रमित भएर निको भएको ट्विट गरिएको छ।
प्रधानमन्त्री ओलीको सचिवालय सदस्यहरुमा संक्रमण भएपनि प्रधानमन्त्री ओलीमा संक्रमण देखिएको छैन। प्रधानमन्त्रीको टिव्टर ह्याण्डिलबाट ‘हामी दुई कोरोना संक्रमण जितेपछि पहिलो भेट’ भनिएको छ। तस्वीरमा प्रधानमन्त्रीका प्रेस सल्लाहकार सूर्य थापा र पत्रकार मात्रिका पौडेल देखिन्छन्।
प्रधानमन्त्रीकै ट्वीटबाट पत्रकार पौडेललाई नयाँ व्यवसायिक यात्राको शुभकामना दिइएको छ। सोही ट्विटरमा पौडेलले खुसी हुने योजना सुनाउँदा दुवै दंग परेको समेत उल्लेख छ। उक्त ट्वीट हाल हटाइएको छ।
स्मरणीय छ, सोही ट्वीट प्रधानमन्त्रीका प्रेस संयोजक थापाको टाइमलाइनमा हुबहु छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
