इन्दोर- आइपिएल क्रिकेटमा मुम्बई इन्डियन्सले किंग्स इलावेभ पञ्जावलाई ६ विकेटले पराजित गरेको छ। जितसँगै मुम्बईको प्लेअफमा पुग्ने आसा बढेको छ।
शुक्रबार पञ्जावले दिएको १ सय ७५ रनको लक्ष्य मुम्बईले ६ बल बाँकी छदा ४ विकेट गुमाएर पार गर्यो। मुम्बइका लागि क्रुनाल पाण्ड्याले नटआउट ३१ र कप्तान रोहित शर्माले नटआउट २४ रन जोडे। क्रुनालले १२ बलमा ४ चौका र २ छक्का तथा रोहितले १५ बलमा १ चौका र २ छक्का प्रहार गरे। त्यसअघि ओपनर सूर्यकुमार यादवले ४२ बलमा ५७ रनको योगदान गरे। इभिन लेविस १० रनमा आउट हुँदा इशान किसानले २५ र हार्दिक पाण्ड्याले २३ रन बटुले। बलिङतर्फ पञ्जावका मुजिव उर रहमानले २ विकेट लिए।
त्यसअघि टस हारेर पहिले ब्याटिङ गरेको पञ्जावले ६ विकेटको नोक्सानीमा १ सय ७४ रन जोड्यो। पञ्जावका लागि क्रिस गेलले ५० रन जोडे। बेन कटिङको बलमा आउट हुनुअघि उनले ४० बलमा ६ चौका र २ छक्का प्रहार गरे। मार्कोस स्टोइनिसले नटआउट २९ रनको योगदान गरे। बलिङतर्फ मुम्बईका ५ बलरले १-१ विकेट लिएका थिए।
जितसँगै मुम्बई ९ खेलबाट ६ अंक जोड्दै पाँचौ स्थानमा उक्लिएको छ। पञ्जाव ८ खेलबाट १० अंक जोड्दै चौथो स्थानमा छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1790816682.webp)
-1786602170.png)
