चितवन- चितवनको इच्छाकामना–५ मुग्लिनका सूर्यबहादुर परियारको पसलमा चाडबाडको समयमा दैनिक ५० भन्दा बढी मादल बिक्ने गर्थ्यो। जब चाडबाड नजिकिन्थ्यो उनको मादल पसलमा ग्राहकको लाइन लाग्ने गर्थ्यो। काठमाडौं, पोखरा र नारायणगढ जाने मुग्लिन बजारको चोकमा रहेको उनको पसलमा देशभरका ग्राहक आउने गर्थे। केही वर्षयता उनको पसलमा चाडबाडको बेलामा समेत मादल कमै बिक्री हुने गरेको छ। चाडबाड बाहेक अरु बेला त मादल बिक्री नै नहुने परियारको भनाइ छ। उनले भने, ‘केही वर्षयता मादल बिक्नै छाडेको छ, चाडबाडको बेला अलिअलि बिक्ने गरे पनि अन्य समयमा बिक्री हुँदैन।’
झण्डै २० वर्षदेखि गर्दै आएको आफ्नो मुख्य पेशा धरापमा परेको उनले बताए। उनले भने, ‘हाम्रो रोजीरोटी यही हो, यसरी मादल नै बिक्न छाडेपछि दैनिक घरायसी खर्चसमेत धान्न गाह्रो भएको छ, यसले चिन्तित बनाएको छ।’ पेशा नै परिवर्तन गर्ने सोचमा रहेको उनले बताए। परियार आफैं मादल बनाउने गर्छन्। उनले बनाएको मादल देशका विभिन्न बजारमा व्यवसायीले लैजाने गर्छन्।
मादलको व्यापार घट्नुको प्रमुख कारण गाउँघरमा विवाह व्रतबन्ध देउसी भैलोमा ‘स्पिकर’ साउन्ड सिस्टमको प्रयोग रहेको मादल व्यासयीको भनाइ छ। अर्का मादल व्यवसायी विष्णु अर्याल पनि मादल बिक्न छाडेको बताउँछन्। उनले भने, ‘मेला, बजार र देउसीभैलोमा मादल बजाउने क्रम घटेको छ , गाउँघरमा पनि प्रायः अत्याधुनिक स्पिकर र साउन्ड सिस्टमको प्रयोग गरेर रमाइलो गर्न थालिएको छ, मेहनतअनुसारको मूल्य पाउन पनि छोडको छ।’ पछिल्ला वर्षमा मादल व्यवसाय धरायसी बन्दै गएको बेला कोरोना महामारीका कारण झन् सङ्कटमा परेको मादल व्यावसायीहरु बताउँछन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
_Tr387xuecJ-1778130428.jpg)
-1778551198-1778552039.jpeg)
-1764146706.png)
-1779545841.jpg)
