एजेन्सी–अस्ट्रियाको मध्य भियनाका ६ भिन्दाभिन्दै स्थानमा बन्दुकधारीले आक्रमण गरेका छन्। ठूलो संख्याका बन्दुकधारीले आक्रमण गर्दा १५ जना घाइते भएका छन्। घाइतेमध्ये ७ जनाको अवस्था चिन्ताजनक रहेको बताइएको छ।
अस्ट्रियाका चान्सलर सेबेस्टियन कुर्जले यसलाई ‘आतंकवादी आक्रमण’ भनेका छन्। घटनापछि ठूलो संख्यामा सुरक्षाकर्मी परिचालन गरिएको छ।
प्रहरीले आतंकवादीविरोधी कारबाही सुरु गर्दै घटना भएका क्षेत्रमा नहिँड्न र सार्वजनिक यातायात प्रयोग नगर्न भनेको छ। यस्तै, सहरमा ठाउँठाउँमा सडक अवरुद्ध गरिएको छ। छिमेकी चेक रिपब्लिकले पनि सीमामा छड्के चेक सुरु गरेको जनाएको छ।
कोरोना भाइरसको संक्रमण रोक्न नयाँ प्रतिबन्ध लागू हुनु केही घण्टा अघि यो आक्रमण भएको हो। नयाँ नियमअनुसार बार र रेस्टुरेन्टहरु नोभेम्बरको अन्त्यसम्म बन्द रहनेछन्।
यो आक्रमणको युरोपेली मुलुकका नेताहरुले भर्त्सना गरेका छन्। बेलायतका प्रधानमन्त्री बोरिस जोन्सनले घटनाबाट आफू स्तब्ध भएको जनाउँदै यसलाई आतंकवादी आक्रमण भनेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1769161919.png)
-1769160438.png)
-1769159796.png)
-1769158577.png)
-1769156588.png)
-1764146706.png)
