ट्रकमा छुट्टै क्याबिन कोठा बनाएर कपडा तस्करी गर्नेविरुद्ध २१ करोडको मुद्दा

अर्थ समाचार

नेपाल लाइभ बिहीबार, असोज २९, २०७७ ०९:२९

काठमाडौं- भारतीय नम्बर प्लेटको ट्रकमा फल्स बटन (क्याबिन कोठा) बनाएर कपडा तस्करी गर्ने ९ जनाविरुद्ध उच्च अदालत पाटनमा मुद्दा दायर भएको छ।

राजस्व अनुसन्धान विभागले वीरगञ्ज महानगरपालिका १० स्थायी बसोबास गरी नेपाल नागरिकता लिए पनि भारतीय राजदूताबासट भारतीय नागरिकको परिचयपत्र जारी भएका रजनिस गुप्ता र चितवनका राजेन्द्र थापालगायतविरुद्ध १३ करोड ८३ लाख रूपैयाँ बिगो कायम गरी मुद्दा दायर गरेको हाे।

उनीहरूले ट्रकको क्याबिनमा छुट्टै कोठा बनाएर त्यसमा कपडा लुकाएर ल्याउने गरेको विभागले जनाएको छ। यसमा लर्ड बुद्ध कुरियर्स सञ्चालन गर्ने नवराज तिमिल्सेना, सुमन खतिवडा, सरोज राउत र गोकुलराज महतसमेत ६ जनालाई पनि विपक्षी बनाइएको छ।

त्यसैगरी ना ६ ख ५२५८ नं को सिमेन्ट बोकेर आएको ट्रकमा बिना बिल बिजकका भारतीय कपडा लुकाई भन्सार चोरी पैठारी गरी राजस्व चुहावटको कसूर गरेको अभियोगमा रजनीशकुमार गुप्ता र राजेन्द्र थापासमेत ५ जना प्रतिवादीविरुद्ध ७ करोड ७७ लाख रूपैयाँको बिगो कायम गरी मुद्दा दायर गरिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आज सुनचाँदीको मूल्यमा स्थिर

बिहानै देखि शिक्षक आन्दोलन जारी

हामी जे गर्छै भनेरै गर्छौ, सरकारले नडराए हुन्छ – अध्यक्ष लिङदेन