काठमाडौं- सर्लाहीमा नेपाल कांग्रेसका कार्यकर्ता र प्रहरीबीच झडप भएको छ। झडपका क्रममा नेपाल प्रहरीका १५ र सशस्त्र प्रहरी १० जना गरी २५ जना सुरक्षाकर्मी घाइते भएको प्रदेश २ का डिआइजी धिरजप्रताप सिंहले नेपाल लाइभलाई जानकारी दिए।
असोज २२ गते सर्लाहीकै महेन्द्र रामको मृत्यु भएको थियो। महेन्द्र र उनका साथीहरुबीच झगडा हुँदा उनी गम्भीर घाइते भएका थिए। उनको उपचारको क्रममा मृत्यु भएको थियो। महेन्द्रको हत्यामा संलग्न भएको आरोपमा प्रहरीले विजउ महरा, रामप्रवेश महरा र बिलाशी महरालाई पक्राउ पनि गरेको थियो।
तर बुधबार आफ्नो कार्यकर्ताको हत्या भएको भन्दै १० लाख क्षतिपूर्ति दिनुपर्ने र शहिद घोषणा गर्नुपर्ने भन्दै एक्कासी ठूलो संख्यामा प्रदर्शनमा उत्रिएका नेपाली कांग्रेसका कार्यकर्ताले जिल्ला प्रहरी कार्यालया तोडफोड गरेका छन्। सो क्रममा एसपीको क्वाटरमा समेत क्षति भएको डिआइजी सिंहले बताए।
प्रर्दशनकारीको आक्रमणमा २५ सुरक्षाकर्मी घाइते भएपछि स्थितिलाई नियन्त्रणमा राख्न केही सेल अश्रुग्यास प्रहार भएको डिआइजी सिंहले बताए। प्रदर्शनकारीको तर्फबाट पनि करिब १० जना जति सामान्य घाइते भएका छन्। अहिले स्थिति सामान्यतर्फ फर्किएको प्रहरीले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787673555.png)
-1787673999.jpeg)
-1786602170.png)
-1786513116.png)
