काठमाडौं- सम्पत्ति शुद्धीकरण अनुसन्धान विभागले 'बले' भनिने बलराम सापकोटा र उनकी श्रीमतिविरुद्ध झण्डै २० करोडको सम्पत्ति शुद्धीकरणको मुद्दा दायर गरेको छ।
उनी र उनकी श्रीमतिको नाममा भेटिएको सम्पत्तिको स्रोत नखुलेकाले जफत हुनुपर्ने माग गर्दै विशेष अदालतमा सोमबार मुद्दा दायर भएकाे अदालतले जनाएकाे छ। विभागले सापकोटा र उनकी श्रीमतिको नाममा भेटिएको झण्डै १ अर्ब बराबरको स्रोत नखुल्ने सम्पत्ति जफत गर्न पनि मागदाबी गरेको छ।
सापकोटाको काठमाडौं, झापा तथा काभ्रेका विभिन्न ठाउँमा घरजग्गा तथा गाडी फेला पारेको आराेपपत्रमा दाबी छ। झापामा मात्रै उनको १३ बिघा जग्गा फेला पारेको विभागकाे दाबी छ।
काभ्रेमा पाँच रोपनी जग्गा तथा काठमाडौंका विभिन्न हाउजिङ र कोलोनीमा घर भेटिएको थियो। त्यस्तै, उनीसँग निजी सवारी साधन पनि रहेकाे र उक्त सम्पती जफत हुनुपर्ने अभियाेगपत्रमा उल्लेख छ। उनले यी सम्पति गैरकानुनी गतिविधिवाट गतिविधिवाट आर्जन गरेकाे अभियाेगपत्रमा उल्लेख छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
