सिन्धुपाल्चोक–मेलम्ची नगरपालिकाले चाडपर्व लक्षित गरि बजार अनुगमनलाई तीव्रता दिएको छ। चाडपर्वका बेला अरू समयमा भन्दा खरिदबिक्री बढी हुने हुनाले बजारमा उपभोक्ता ठगिने, कम गुणस्तर भएका सामान बेच्ने, अखाद्य बस्तु बेच्नेजस्ता गतिविधि हुन नदिन नगरले बजार अनुगमन गरेको मेलम्ची १२ का वडाध्यक्ष एवं बजार अनुगमन समितिका संयोजक रामबहादुर लामाले जानकारी दिए।
अखाद्य वस्तु, कम गुणस्तर भएका सामान पाइएमा आवश्यक कारबाही गर्नका लागि र बजार मूल्यमा एकरुपता ल्याउनका लागि अनुगमन भइरहेको लामाले बताए। बजारमा एकै किसिमको मूल्य लागू गराउन नगरपालिकाले व्यवसायीसँगछलफल गरिरहेको उनले बताए।
प्रत्येक खाद्यान्न पसलमा मुल्यसूची अनिवार्य गराएको नगरपालिकाका राजस्व शाखाका प्रमुख राजेन्द्र दुलालले जानकारी दिए।
उपभोक्ताको हितका लागि बजार अनुगमन सधैंभरि आवश्यक रहेको र गरिरहने मेलम्ची नगरपालिका उपभोक्ता हित संरक्षण मञ्चका संयोजक सालिकराम अधिकारीले बताए। चाडपर्वको समयमा बजारमा किनमेल धेरै हुनाले अनुगमन थालिएको अधिकारीको भनाइ छ। अनुगमनका क्रममा मेलम्ची नगरपालिका १ र २ भोटेचौरका खाद्यान्न पसलहरुबाट मिति गुज्रेका पेय पर्दाथहरु बरामद गरी नष्ट गरिएको छ।
वडा नम्बर १का अध्यक्ष कृष्णप्रसाद चौलागाइ, अनुगमन समितिका संयोजक रामबहादुर लामा, राजस्व शाखाका प्रमुख राजेन्द्र दुलाल,पत्रकार ,सुरक्षाकर्मी, मेलम्ची नगरपालिका उपभोक्ता हित संरक्षण मञ्च मेलम्चीका संयोजक सालिकराम अधिकारी र स्थानीय मिलेर ३ वटा पसलका करिब ३५ सय बराबरको पेय पदार्थ नष्ट गरिएको छ। वर्षभरि नै अनुगमन गरिरहे पनि चाडपर्वलक्षित गरेर अनुगमन बढाएको नगरपालिकाले जनाएको छ।
ज्ञ
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1771329290.png)
-1764146706.png)
