काठमाडौं- नेकपा अध्यक्षद्वय केपी शर्मा ओली र पुष्पकमल दाहाल प्रचण्डले शुक्रबार बस्ने स्थायी कमिटीको बैठकमा पेश गर्ने प्रस्ताव तयार गरेका छन्। बुधबार अध्यक्षद्वयले तीन घण्टासम्म गरेको छलफलबाट प्रस्ताव टुंगो लागेको हो।
यसअघि गत साउन ३० मा गठित ६ सदस्यीय कार्यदलले तयार पारिएको प्रतिवेदनमै आधारित रहेर प्रस्ताव तयार गरिएका छन्। तर, कतिपय शब्दावली हटाइएका छन्, कतिपय अगाडि-पछाडि गरिएका छन् र कतिपय थपिएका छन्।
प्रस्तावमा अध्यक्षद्वयको भूमिकालाई अझै प्रष्ट बनाउने प्रयास गरिएको छ।
कार्यदलको प्रतिवेदनमा केपी ओली ‘मूलतः’ सरकारको काममा केन्द्रित हुने उल्लेख थियो। त्यस्तै प्रचण्ड पनि ‘मूलतः’ पार्टीको काममा केन्द्रित हुने भनिएको थियो। तर, अध्यक्षद्वयले तयार पारेको प्रस्तावमा दुवै ठाउँमा सो शब्द हटाइएका छन्।
यस्तो थियो कार्यदलको प्रतिवेदनमा-
५.२ अध्यक्ष कमरेड केपी शर्मा ओलीले प्रतिनिधिसभाको यो कार्यकाल भरी प्रधानमन्त्रीको जिम्मेवारीमा रहेर सरकारलाई नेतृत्व गर्ने र मूलतः सरकारको काममा केन्द्रित हुने।
५.३ अध्यक्ष कमरेड पुष्पकमल दाहाल ‘प्रचण्ड’ ले कार्यकारी अधिकार सहित मूलतः पार्टीका बैठकहरुको सञ्चालन, निर्णयहरुको कार्यान्वय र समग्र पार्टी कामको जिम्मेवारीमा केन्द्रित हुने।
यस्तो छ अध्यक्षद्वयको प्रस्तावमा-
३.२ अध्यक्ष कमरेड केपी शर्मा ओलीले प्रतिनिधिसभाको यो कार्यकाल भरी प्रधानमन्त्रीको जिम्मेवारीमा रहेर सरकारलाई नेतृत्व गर्ने र सरकारको काममा केन्द्रित हुने।
३.३ अध्यक्ष कमरेड पुष्पकमल दाहाल ‘प्रचण्ड’ले कार्यकारी अधिकार सहित पार्टीका बैठकहरुको सञ्चालन, निर्णयहरुको कार्यान्वयन र समग्र पार्टी कामको जिम्मेवारीमा केन्द्रित हुने।
यसै सन्दर्भमा, पार्टी कमिटीको बैठकका कार्यसूची तथा निर्णय प्रस्तावका विषयमा महासचिवको भूमिका पनि घटाइएको छ। कार्यदलको प्रतिवेदन अनुसार पार्टी कमिटी बैठकका कार्यसूची तथा निर्णय प्रस्ताव तयार गर्दा अध्यक्षद्वय र महासचिवको परामर्श आवश्यक थियो। त्यसका लागि ‘अध्यक्षद्वय र महासचिवको आपसी परामर्श र सहमतिका आधारमा’ भन्ने वाक्यांश प्रयोग गरिएको थियो। तर अध्यक्षद्वयले आफ्नो प्रस्तावमा भने त्यसलाई परिमार्जन गरिदिएका छन्। प्रस्तावमा ‘अध्यक्षद्वयको सहमति र महासचिवसँगको परामर्शमा’ भन्ने वाक्यांश प्रयोग गरिएको छ। पहिले परामर्श र सहमति आवश्यक थियो। अब अध्यक्षद्वयले आफूहरुले सहमति गरेर महासचिवसँग परामर्श गरे मात्रै पुग्ने छ।
कार्यदलको प्रतिवेनमा भनिएको छ-
५.१ पार्टी विधान बमोजिम अध्यक्षद्वय र महासचिवको आपसी परामर्श र सहमतिका आधारमा सचिवालय, स्थायी कमिटी, पोलिटव्यूरो तथा केन्द्रीय कमिटी बैठकका कार्यसूची तथा निर्णय प्रस्ताव तयार गरी सम्बन्धित कमिटीको बैठकमा पेश गर्ने र तदनुरुप बैठक सञ्चालन गर्ने । सामुहिक नेतृत्व तथा व्यक्तिगत जिम्मेवारीको संस्थागत प्रणालीलाई अवलम्बन गर्ने र सबल बनाउने ।
अध्यक्षद्वयको प्रस्तावमा भनिएको छ-
३.१ पार्टी विधान बमोजिम अध्यक्षद्वयको सहमति र महासचिव संगको परामर्शमा सचिवालय, स्थायी कमिटी, पोलिटव्यूरो तथा केन्द्रीय कमिटी बैठकका कार्यसूची तयार गरी सम्बन्धित कमिटीको बैठकमा पेश गर्ने र तदनुरुप बैठक सञ्चालन गर्ने । सामुहिक नेतृत्व तथा व्यक्तिगत जिम्मेवारीको संस्थागत प्रणालीलाई अवलम्बन गर्ने र सबल बनाउने ।
यसको अतिरिक्त अध्यक्षद्वयबीचको अविश्वास र अन्तरविरोधलाई हल गर्न ‘पारस्परिक विश्वास, सहमति, विधान र पद्धती अनुरुप समस्या समाधान गर्नुपर्दछ’ भनिएको छ। तर, अध्यक्षद्वयको प्रस्तावमा केही शाब्दिक परिवर्तन गरिएको छ। भनिएको छ- ‘वैधानिक व्यवस्थामा विद्यमान अस्पष्टतालाई स्पष्ट पार्दै पारस्परिक विश्वास र सहमतिका आधारमा यो समस्याको समाधान गर्नुपर्दछ।’
| कार्यदलको प्रतिवेदन |
अध्यक्षद्वयको प्रस्ताव |
५. कार्यविभाजन तथा कार्याधिकार स्पष्ट पार्ने
पार्टीमा दुई अध्यक्षीय व्यवस्थाको समझदारीपूर्ण एवम् प्रभावकारी कार्यान्वयन हुन नसक्दा शीर्ष नेतृत्व तहमा अविश्वास र अन्तरविरोध उत्पन्न हुनेगरेको छ । एउटा समस्या समाधान गरेको केही समय पछि फेरी नयाँ रुप र स्तरमा अर्को समस्या आईलाग्ने गरेको छ । यस अवस्थाको नकारात्मक प्रभाव समग्र पार्टी तथा सरकारको काममा समेत परिरहेको छ । अब पारस्परिक विश्वास, सहमति, विधान र पद्धती अनुरुप समस्या समाधान गर्नुपर्दछ । यसका लागि अध्यक्षद्वयका वीचमा निम्नानुसार कार्यविभाजन र कार्याधिकार निश्चित गर्नुपर्दछः |
३. अध्यक्षद्वयको कार्यविभाजन तथा कार्याधिकार स्पष्ट गर्ने
पार्टीमा दुई अध्यक्षात्मक व्यवस्थाको समझदारीपूर्ण एवम् प्रभावकारी कार्यान्वयन हुन नसक्दा शीर्ष नेतृत्व तहमा अविश्वास र अन्तरविरोध उत्पन्न हुनेगरेको छ । एउटा समस्या समाधान भएको केही समय नवित्दैनयाँ रुप र स्तरमा अर्को समस्या आईलाग्ने गरेकोछ । यस अवस्थाको नकारात्मक प्रभाव समग्र पार्टी तथा सरकारको काममा समेत परिरहेको छ । वैधानिक व्यवस्थामा विद्यमान अस्पष्टतालाई स्पष्ट पार्दै पारस्परिक विश्वास र सहमतिका आधारमा यो समस्याको समाधान गर्नुपर्दछ । यसका लागि अध्यक्षद्वयको कार्यविभाजन र कार्याधिकार निम्नानुसार स्पष्ट गर्नेः |
| ५.१ पार्टी विधान बमोजिम अध्यक्षद्वय र महासचिवको आपसी परामर्श र सहमतिका आधारमा सचिवालय, स्थायी कमिटी, पोलिटव्यूरो तथा केन्द्रीय कमिटी बैठकका कार्यसूची तथा निर्णय प्रस्ताव तयार गरी सम्बन्धित कमिटीको बैठकमा पेश गर्ने र तदनुरुप बैठक सञ्चालन गर्ने । सामुहिक नेतृत्व तथा व्यक्तिगत जिम्मेवारीको संस्थागत प्रणालीलाई अवलम्बन गर्ने र सबल बनाउने । |
३.१ पार्टी विधान बमोजिम अध्यक्षद्वयकोसहमति र महासचिव संगको परामर्शमा सचिवालय, स्थायी कमिटी, पोलिटव्यूरो तथा केन्द्रीय कमिटी बैठकका कार्यसूची तयार गरी सम्बन्धित कमिटीको बैठकमा पेश गर्ने र तदनुरुप बैठक सञ्चालन गर्ने । सामुहिक नेतृत्व तथा व्यक्तिगत जिम्मेवारीको संस्थागत प्रणालीलाई अवलम्बन गर्ने र सबल बनाउने । |
| ५.२ अध्यक्ष कमरेड केपी शर्मा ओलीले प्रतिनिधिसभाको यो कार्यकाल भरी प्रधानमन्त्रीको जिम्मेवारीमा रहेर सरकारलाई नेतृत्व गर्ने र मूलतः सरकारको काममा केन्द्रीत हुने । |
३.२ अध्यक्ष कमरेड केपी शर्मा ओलीलेप्रतिनिधिसभाको यो कार्यकाल भरी प्रधानमन्त्रीको जिम्मेवारीमा रहेर सरकारलाई नेतृत्व गर्ने र सरकारको काममा केन्द्रीत हुने । |
| ५.३ अध्यक्ष कमरेड पुष्पकमल दाहाल 'प्रचण्ड’ ले कार्यकारी अधिकार सहित मूलतः पार्टीका बैठकहरुको सञ्चालन, निर्णयहरुको कार्यान्वनय र समग्र पार्टी कामको जिम्मेवारीमा केन्द्रीत हुने । |
३.३ अध्यक्ष कमरेड पुष्पकमल दाहाल 'प्रचण्ड’ले कार्यकारी अधिकार सहित पार्टीका बैठकहरुको सञ्चालन, निर्णयहरुको कार्यान्वनय र समग्र पार्टी कामको जिम्मेवारीमा केन्द्रीत हुने । |
| ५.४ अध्यक्षद्वयले पार्टी र सरकार वीचको काममा समन्वय गर्ने र संस्थागत रुपमा अघि बढाउने । |
३.४ अध्यक्षद्वयले पार्टी र सरकार वीचको कामलाई संस्थागत रुपमा अघि बढाउन समन्वय गर्ने । |
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
