यु-१६ क्रिकेट : प्रदेश ३ को विजयी सुरुआत

सुरक्षा/अपराध

नेपाल लाइभ बिहीबार, वैशाख १३, २०७५ १३:५२

काठमाडौं– प्रतिश जिसीले चार विकेट लिएपछि फस्ट मनमोहन मेमोरियल यु-१६ इन्टर प्रोभिन्स क्रिकेटको उद्घाटन खेलमा प्रदेश नम्बर ३ ले प्रदेश नम्बर १ लाई २ विकेटले पराजित गरेको छ।

मनमोहन मेमोरियल क्रिकेट सेन्टर आयोजना गरेका प्रतियोगिताको पहिलो खेल त्रिभुवन विश्वविद्यालयस्थित अन्तर्राष्ट्रिय क्रिकेट मैदानमा भएको थियो । सो खेलमा प्रदेश नम्बर तीनले १ सय २० रनको लक्ष्य ८ विकेट गुमाउँदै २८ ओभरमा पूरा गर्‍यो।

टस जितेर ब्याटिङ रोजेको प्रदेश नम्बर एकले खराब शुरुवात गरेको थियो । टिमले खाता नखोल्दै २ विकेट गुमाएको प्रदेश नम्बर एकले ६ विकेट गुमाउँदै निर्धारित ३० ओभरमा १ सय १९ रन बनाउन सक्यो । प्रदेश नम्बर एकका विवेक मेहताले ६५ बल खेल्दै नटआउट ५६ रन बनाएका थिए। मेहताले आफ्नो इनिङमा चार चौका र एक छक्का प्रहार गरेका थिए ।

प्रदेश नम्बर एकका लागि अभिषेक बराल र विवेक मेहताले ४५ रनको साझेदारी गरेका थिए । बरालले ४२ बल खेल्दै २० रन बनाए। त्यसैगरी छैठौ विकेटका लागि मेहता र दीपेश कडेलले २४ रन बनाएका थिए। प्रदेश नम्बर एकको इनिङ सम्हालेका मेहताले ६१ बलमै ५० रन बनाएका थिए। प्रदेश नम्बर एकका तीन ब्याट्सम्यानले खाता समेत खेल्न सकेनन् । राजन मगर, अंकित श्रेष्ठ र नभनीत कर्ण शुन्यमा आउट भए । लभ कामतले १ र विवेक बुढाथोकीले २ रन बनाए । प्रदेश नम्बर एकले १६ रन अतिरिक्तबाट प्राप्त गरेको थियो ।

जवाफी ब्याटिङ गरेको प्रदेश नम्बर तीनका लागि सुशान्त कार्कीले ३२ रन बनाए। त्यसगरी अशोक पौडेलले २४, अभिषेक बस्नेतले १९ रन बनाए। त्यसैगरी प्रदेश नम्बर तीनका ओपनरहरु दीपक बोहोराले ६ र ऐश भट्टराईले १० रन बनाए। संभव श्रेष्ठले १२, सन्देश कार्की र अदित सुवेदीले १–१ रन बनाएका छन्। प्रतिश जिसी पहिलो बलमा आउट भएका थिए। प्रदेश नम्बर एकका लागि लभ कामत, दीपेश कडेल, श्रवण किस्कु, समीर तिमल्सिना र विवेक मेहताले एक एक विकेट लिए ।

६ ओभरमा बलिङ गरेका म्यान अफ द म्याच जिसीले एक मेडन ओभर ११ रन दिएर ४ विकेट लिए । त्यसैगरी गौरव कटवालले एक विकेट लिए । प्रदेश नम्बर एकका एक खेलाडी रन आउट भएका थिए ।

६ दिन चाल्ने प्रतियोगितामा शुक्रबार बिहान समूह एका प्रदेश नम्बर चार र प्रदेश नम्बर २ र दिउँसो सोही समूहका प्रदेश नम्बर ५ र प्रदेश नम्बर ७ बीच खेल हुने छ । समुह ए मा प्रदेश नम्बर एक, तीन र ६ रहेको छ भने समूह बीमा प्रदेश नम्बर २, ४, ५ र ७ रहेको छ । शीर्ष स्थानमा रहने टुई टोली सेमीफाइनलमा प्रवेश गर्ने छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

आईएसआईसँग सम्बन्ध भएको आरोपमा दिल्लीमा एक नेपालीविरुद्ध मुद्दा, पहिचान छुपाएर बस्दै आएको आरोप

कुलिङ पिरियडको प्रावधानबाट समिति पछि हट्दैन: सभापति खतिवडा

जापानमा ट्याक्सी चालकले ५० महिलालाई बलात्कार गरेको आशङ्का