बेइजिङका विश्वविद्यालयहरूले पठनपाठन सञ्चालन गर्दै

कोरोना अपडेट

नेपाल लाइभ मंगलबार, भदौ १६, २०७७ २०:२४

बेइजिङ- चीनमा नयाँ शैक्षिक वर्ष सुरू भएसँगै बेइजिङका क्याम्पस तथा विश्वविद्यालयले घर गएका विद्यार्थीहरूलाई कोभिड–१९ रोकथाम र नियन्त्रणका कडा उपायहरू अवलम्बन गर्दै फिर्ता बोलाउन थालेका छन्।

नगरपालिका शिक्षा आयोगले उचित सतर्कता भएका विश्वविद्यालयहरूलाई अगस्ट १५ देखि क्रमशः खोल्न अनुमति दिइसकेको छ।

मध्य अगस्तदेखि करिब १५ दिनको समयमा क्याम्पस तथा र विश्वविद्यालयका करिब एक लाख ७० हजारभन्दा बढी विद्यार्थीहरू बेइजिङ फर्किसकेको आयोगले जनाएको छ।

सोमबारसम्म बेइजिङमा प्रतिदिन करिब १० हजारका दरले विद्यार्थीहरू प्रवेश गरेका उल्लेख गरिएको छ। शहरका झण्डै आधाभन्दा बढी विद्यार्थी नयाँ सेमेस्टरको पढाइका लागि आइसकेको बताइएको छ।

पेकिङ युनिभर्सिटी (पिकेयू) ले मंगलबार ३ हजार ३०० भन्दा बढी विद्यार्थीलाई स्वागत गरेको बताएको छ। कोभिड–१९ संक्रमण रोकथामका लागि भन्दै तत्कालका लागि चीनले विद्यार्थीका अभिभावकलाई क्याम्पसमा प्रवेश नदिने तर विद्यार्थीहरूले भने संक्रमणबारे होसियारी अपनाउँदै विद्यालय प्रवेश पाउनेछन्।

विश्वविद्यालयले महामारी रोकथाम र नियन्त्रण उपायहरू कार्यान्वयन गरेको छ। विद्यार्थीहरूले क्याम्पसमा फर्किनुअघि न्यूक्लिक एसिड टेस्ट लिन आवश्यक छ र उनीहरूको स्वास्थ्य अवस्था र पञ्जीकरण गर्दा उनीहरूको पूर्व आगमनको बारेमा प्रमाणपत्र प्रस्तुत गर्नुपर्नेछ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।