काठमाडौं- सिन्धुपाल्चोकको जुगल गाउँपालिकास्थित लिदीका पीडितहरुलाई गैरआवासीय नेपालीहरूको संस्था एनआरएनएले ५ लाख नगद सहयोग गरेको छ। विस्थापित भएर अस्थायी टहरामा बसिरहेका उनीहरुलाई संघको तर्फबाट राहत स्वरुप पाँच लाख रुपैयाँ उपलब्ध गराइएको एनआरएनका अध्यक्ष कुमार पन्तले जानकारी दिए।
पहिरोमा बेपत्ता भएका ३९ जनामध्ये ३७ को मात्र शव फेला परेको छ। पूरै गाउँ विस्थापित भएको सिन्धुपाल्चोकको लिदीमा उपाध्यक्ष सोनाम लामा नेतृत्वको गैरआवासीय नेपाली संघको टोली पुगेर राहत हस्तान्तरण गरेको हो।
‘महामारीका बीच आइलागेको विपदको घडीमा सहयोगमा जुट्ने मित्रजनमा हार्दिक आभार व्यक्त गर्दछौं,’ अध्यक्ष पन्तले सामाजिक सञ्जालमा लेखेका छन्। देशविदेशबाट उनीहरुलाई राहत आइरहेको र गाउँपालिकाले अस्थायी सेन्टर निर्माण गरेर जुगलगाउँपालिको बासखर्कमा राखेको छ।
उनीहरुका लागि छिट्टै एकीकृत नमुना बस्ती बसाउने प्रतिवद्धता सभामुख अग्नि सापकोटाले गरिसकेका छन्। बागमती प्रदेश सरकारले पनि विस्थापितलाई घर बनाइदिने घोषणा गरिसकेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1766928868.png)
-1764146706.png)
-1766648928.png)
