सुरक्षा/अपराध

स्रोत नखुलेको रकमसहित पूर्वाधार विकास कार्यालय बाँकेका एक इन्जिनियर पक्राउ

रासस आइतबार, भदौ १४, २०७७ २०:३३

काठमाडौं- अख्तियार दुरुपयोग अनुसन्धान आयोगले प्रदेश नं ५ को पूर्वाधार विकास कार्यालयका एक सिनियर डिभिजन इञ्जिनियरलाई आइतबार मन्त्रालय परिसरबाट रकमसहित पक्राउ गरेको छ।

आयोगको बुटवलस्थित कार्यालयबाट खटिएको टोलीले प्रदेश नं ५ भौतिक पूर्वाधार विकास मन्त्रालय परिसरबाट सोही मन्त्रालय, बाँके जिल्लास्थित पूर्वाधार कार्यालयका इञ्जिनीयर मनिषकुमार अर्याललाई स्रोत नखुलेको भनिएको पाँच लाख ३० हजार रकमसहित पक्राउ गरेको आयोगका सूचना अधिकारी सुरेश भुसालले जानकारी दिए।