जर्मनीमा लकडाउनविरुद्ध प्रदर्शन, २ सय जना पक्राउ

कोरोना अपडेट

नेपाल लाइभ आइतबार, भदौ १४, २०७७ ०६:१५

एजेन्सी–कोरोना भाइरस संक्रमणका कारण लगाइएको लकडाउनविरुद्ध जर्मनीको राजधानी बर्लिनमा हजारौं मानिसले प्रदर्शन गरेका छन्। बर्लिनको देन लिन्डेन र ब्रेन्डनबर्ग गेटनजिक शनिबार प्रदर्शन भएको हो।

बर्लिनको उत्तर देन लिन्डेननजिक प्रदर्शनमा सहभागीहरुले प्रहरीविरुद्ध ढुंगामुडा गर्नुका साथै बोत्तल फ्याँकेका थिए। त्यसक्रममा २ सय मानिसलाई हिरासतमा लिइएको छ।

प्रदर्शनकारीहरुले कोरोना भाइरसका कारण लगाइएको प्रतिबन्धका कारण आफ्नो अधिकार र संविधानले दिएको स्वतन्त्रताको हक उल्लंघन भएको आरोप लगाएका छन्। लकडाउन हटाउनुपर्ने उनीहरुको माग छ।