काठमाडौं–म्युजिक भिडियोमा राष्ट्रिय झण्डा जलाएको दृश्य राखेको आरोपमा प्रहरीले ९ जनालाई पक्राउ गरेको छ।
झण्डा जलाउने घटनाका मुख्य अभियुक्त ग्याल्जोम दोर्जे तामाङसहित ९ जनालाई पक्राउ गरिएको महानगरीय प्रहरी अपराध महाशाखाका एसएसपी दीपक थापाले जानकारी दिए।
केन्द्रीय अनुसन्धान ब्यूरो (सिआइबी), महानगरीय प्रहरी परिसर काठमाडौं र अपराध महाशाखाको टोलीले सोमबारदेखि अहिलेसम्म विभिन्न ठाउँबाट ९ जनालाई पक्राउ गरेको हो ।
पक्राउ पर्नेमा उक्त भिडियोमा अभिनय गर्ने, गाउने, भिडियो खिच्नेलगायत छन्। पक्राउ परेका सबै जनालाई कारबाहीका लागि महानगरीय प्रहरी परिसर काठमाडौं पठाउन लागिएको छ ।
एसएसपी थापाका अनुसार पक्राउ परेकाहरुविरुद्ध तीन वटा कसुरमा मुद्दा चलाइने छ । उनीहरु विरुद्ध साइबर अपराध, मुलुकी अपराध संहिता २०७४ ले राष्ट्रिय झण्डा जलाउन नपाइनेविरुद्धको कसुर र राजद्रोहको कसुर गरी तीन वटा कानुन आकर्षित हुने एसएसपी थापाले बताए।
उक्त म्युजिक भिडियो मकवानपुरको बागमती गाउँपालिकामा सुटिङ गरेको पाइएको प्रहरीले जनाएको छ। भिडियोमा राष्ट्रिय झण्डा जलाएकोदेखि जातिय द्वेषा फैलाउने किसिमका दृश्य छन्। भदौ १ गते मंगोल होप अफिसय युट्युब च्यानलबाट नेपाली राष्ट्रिय झण्डा जलाएको भिडियो अपलोड गरिएको थियो। त्यसपछि उक्त कार्यको चौतर्फी बिरोध भएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1781580295.jpg)
-1764146706.png)
