मोहमद सलाहको उत्कृष्ट प्रदर्शन, रोमामाथि लिभरपुलको रवाफ

सुरक्षा/अपराध

नेपाल लाइभ बुधबार, वैशाख १२, २०७५ ०२:५५

लिभरपुल– युरोपियन च्याम्पियन्स लिगमा इंग्लिस क्लब लिभरपुलले इटालियन क्लब एएस रोमामाथि सानदार जित हात पारेको छ। लिभरपुलले मंगलबार अबेर राति सकिएको सेमिफाइनलको पहिलो लेगमा रोमालाई ५–२ गोलले हराएको हो। योसँगै लिभरपुल सन् २००७ पछि च्याम्पियन्स लिगको फाइनल नजिक पुगेको छ।

लिभरपुलका लागि इजिप्सियन फरवार्ड मोहमद सलाहले पहिलो हाफमा उत्कृष्ट गरे। उनले खेलको ३५ र ४५ मिनेटमा गरी दुई गोल गर्दा लिभरपुल पहिलो हाफमा हाबी देखियो। सलाहले २ पास गोलका लागि पनि उपलब्ध गराए। सहालले सिजनमा ४८ खेलमा ४३ गोल गरिसकेका छन्।

साडियो मानेले ५६ मिनेटमा लिभरपुलका लागि तेस्रो गोल गरेका थिए। त्यसपछि रोबर्टो फिर्मिनोले २ गोल गरे। उनले ६१ र ६८ मिनेटमा गोल गर्दा लिभरपुल ५–० गोलले अघि बढेको थियो। तर खेलको अन्त्यतिर रोमाले २ गोल गर्न सफल भयो। रोमाका लागि ८१ मिनेटमा इडिन जेको तथा ८५ मिनेटमा पेरोटीले पेनाल्टीमार्फत गोल गरेका थिए।

अब सेमिफाइनलको दोस्रो लेग मे २ मा हुनेछ। लिगअन्तर्ग दोस्रो सेमिफाइनलमा आज राति साविक विजेता रियल म्याड्रिड र जर्मन क्लब वार्यन म्युनिखबीच प्रतिस्पर्धा हुनेछ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

अवरुद्ध कान्ति लोकपथ पूर्ण रूपमा सञ्चालनमा

रास्वपाले बोलायो सचिवालय र केन्द्रीय समितिको बैठक

पूर्वराष्ट्रपति भण्डारी चीन जाँदै