काठमाडौं- रुकुम पश्चिम चौरजहारी नगरपालिका-८ मा २०७७ जेठ १० गते भएको घटनामा परी मृत्यु भएका ६ जनाका परिवारलाई १० लाखका दर सहायता उपलब्ध गराउने निर्णय सकारले गरेको छ। सोमबार प्रधानमन्त्री निवास बालुवाटारमा बसेको मन्त्रिपरिषद् बैठकले यस्तो निर्णय गरेको सञ्चार तथा सूचना प्रविधि मन्त्रालयले जानकारी दिएको छ।
यसका साथे सोही घटनामा परी घाइते भएका परिवारलाई उपचार गर्दा लागेको बिल बमोजिमको खर्च समेत उपलब्ध गराउने निर्णय भएको मन्त्रालयले जानकारी दिएको हो।
घटनामा परी जाजरकोटका नवराज विक, गणेश बुढा मगर, लोकेश सुनार संजीव विक, गोविन्द शाही र टीकाराम सुनाको मृत्यु भएको थियो। नवराज विकसहितका युवा विककी प्रेमिका लिन रुकुम जाँदा गाउँलेहरुले उनीहरुमाथि आक्रमण गरी हत्या गरेका थिए। घटनामा परी १२ जना घाइते भएका थिए।
घटनामा संलग्न रहेको आरोपमा पक्राउ परेका ३४ जनामध्ये ३० जना पुर्पक्षका लागि थुनुवामा गएका छन्। जसमा २ जना नाबालक रहेको र उनीहरुलाई बालसुधार गृहमा राखिएको छ। जिल्ला अदालतले ३ जनालाई साधारण तारेख र १ जनालाई एक लाख धरौटीमा छोड्ने आदेश गरेको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
