अफगान बलर रहमानले अन्तिम बलमा विकेट लिँदा दिल्लीको अर्को हार

सुरक्षा/अपराध

नेपाल लाइभ मंगलबार, वैशाख ११, २०७५ ०३:०६

नयाँ दिल्ली– आइपिएल क्रिकेटमा दिल्ली डेयरडेभिल्सको खराब लय जारी छ। पाँचौ खेलमा पराजित हुने क्रममा दिल्लीलाई सोमबार किंग्स इलावेन पञ्जावले ४ रनको झिनो अन्तरले हरायो।

पञ्जावले दिएको १ सय ४४ रनको लक्ष्य पछ्याएको दिल्लीलाई अन्तिम बलमा जितका लागि ५ रनको आवश्यकता थियो। अन्तिम बलमा दिल्लीका श्रेयर एयरलाई पञ्जावका अफगान बलर मुजिर उर रहमानले आउट गरेका थिए। त्यसअघि अन्तिम ओभरमा १७ रन चाहिएको स्थितिमा श्रेयासले पाँच बलमा १ चौका र १ छक्कासहित १२ रन जोडेका थिए। श्रेयास ५७ रनमा आउट भए। श्रेयास अन्तिम बलमा आउट हुँदा दिल्लीले ८ विकेटको नोक्सानीमा १ सय ३९ रन मात्र जोड्न सक्यो।

त्यसअघि पृथ्वी शाहले २२ रन जोड्दा गौतम गाम्भिर ४ रनमा आउट भए। ग्लेन म्याक्सवेल १२, रिशव पन्त ४ र ड्यानियल क्रिस्टियन ६ रनमा आउट भए। राहुल टेवाइटाले २४ रनको योगदान गरे।

बलिङतर्फ पञ्जावका रहमान, अंकित राजपुत र बरिन्धर श्रानले २–२ विकेट लिए।

नेपालका युवा बलर सन्दीप लामिछानले सोमबार पनि मौका पाएनन्। दिल्लीमा आवद्ध सन्दीपले छैटौ खेलमा मौका नपाउँदा पृथ्वी शाह र आवेश खानले डेब्यु गरेका थिए।

त्यसअघि टस हारेर पहिले ब्याटिङ गरेको पञ्जावले ८ विकेटको नोक्सानीमा १ सय ४३ रन जोड्यो। पञ्जावका लागि लोकेश राहुलले २३, करुण नयरले ३४, मयंक अग्रवालले २१ र डेभिड मिल्लरले २६ रन बटुले। बलिङमा दिल्लीका लियाम प्लुङकेटले ३ विकेट लिए भने ट्रेन्ट बोल्ट र आवेश खानले २–२ विकेट लिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

ब्रह्माण्ड किन बन्यो भन्ने प्रश्नको उत्तर खोज्न वैज्ञानिक प्रतिस्पर्धा

नागरिकमाथि गोली प्रहार गर्नु माओवादी हिंसाको चरम कायरता थियो : सिटौला

भिजिट भिसा प्रकरण : आरोप साँचो सावित भए मन्त्री पदमात्र होइन, राजनीति नै छोड्छुः गृहमन्त्री लेखक